سه‌رۆكوه‌زیرێ ئیراقێ محەمەد شه‌یاع سوودانی ژ بۆ لێکۆلینکرنا بوویەرێن دوهـ یێن ل كه‌ركووكێ جیگرێ وەزیرێ دادێ شاند کەرکووکێ.
شانەیا مەدیایی یا ئەولەهیێ گۆت: «فەرماندارێ گشتییێ هێزێن چەکدارێن ئیراقی محەمەد شه‌یاع سوودانی، لێکۆلین ل سەر هوورگلیێن بوویەرەکە کو دوهـ ل دەردۆرا پارێزگەها کەرکووکێ قەومی ده‌ستپێكر كو تێ دە نەهشتن جۆتکار کارێن خوە بکن».
شانەیا مەدیایی یا ئەولەکاری هەروها دبێژە، سوودانێ فەرمان دایە فەرماندارییا ئۆپەراسیۆنێن هەڤبەش؛ ژ بۆ لێکۆلینکرنا هەموو هوورگلیێن بوویەرێ دڤێ کۆمیتەیەکە بلندا لێکۆلینێ ب نوونەرێن هەموو پارتیان وەرە ئاڤاکرن.
ئۆفیسا راگهاندنێ یا پارێزگارێ کەرکووکێ گۆت؛ کۆمیتەیا بلند ب بریارا محه‌مەد شه‌یاع سوودانی هات ئاڤاکرن.
ئۆفیسێ گۆت: لژنەیا ب سەرۆکاتیا در.زیاد خەلیفە جیگرێ وەزیرێ دادوەریێ ژ بەغدایێ گهیشتە کەرکووکێ.
دوهـ ل گوندێ شه‌ناغه‌یێ یێ سه‌رگه‌رانا كه‌ركووكێ ئارتێشا ئیراقێ ب ئاوایه‌كی هۆڤ ئێریشی جۆتكارێن كورد كر و نه‌هشتن ئه‌و زه‌ڤیێن خوه بكێلن، ڤێ بوویه‌رێ به‌رته‌كێن مه‌زن یێن هه‌رێما كوردستانێ ل په‌ی هاتن.
