وەزیرێ بەرەڤانیا ئیسرایلێ راگەھاند: ئیران وەک مەترسیا ھەری مەزن ل سەر ئاساییشا ناڤچەیێ مایە و ئەم کار دکن ل گەل ئامەریکایێ ژ بۆ رێگریکرنا ل دەستخستنا چەکێن ئەتۆمی.
وەزیرێ بەرەڤانیا ئیسرایلێ ئیسرائیل کاتز سپاسیا ئامەریکایێ کر، ژ بەر وان ئالیکاریێن لەشکەریێن پێشکەشی ئیسرایلێ دکە.
رۆژنامەیا نیو یۆرک تایمس دوھ 3/3/2025 راگەھاند، وەزیرێ دەرڤەیێ ئامەریکایێ مارکۆ روبۆ د ھەیاما مەھەکی دە جارا دویەم دەستھلاتێن خوەیێن بلەز بکارئانیە و دەرڤەیی پەژراندنا کۆنگرەیێ ب نرخێ 4 ملیار دۆلاران چەک ژ بۆ ئیسرایلێ شاندنە.
ل گۆر ھەمان رۆژنامەیێ وەزیرێ دەرڤەیێ ئامەریکایێ د بەیانامەیەکی دە دیار کریە کو چما دەستھلات بلەز بکارئانیە و تەنێ گۆت: “ئیدارەیا ترامپ دێ بەردەوام بە ل سەر بکارئانینا ھەموو ئاموورێن بەردەست بۆ جێبەجێکرنا پابەندیێن ژ کەڤن دە یێن ئامەریکایێ یێن ژ بۆ ئەولەھیا ئیسرایلێ و د ناڤ وان دە ژی ئاموورێن تەکۆشینا دژی مەترسیێن ئەولەھیێ.”
ھەروھا رۆژنامەیێ دیار کریە، بەرپرسێن وەزارەتا دەرڤەیا ئامەریکایێ رۆژا ئینێ، لژنەیێن فرۆتنا چەکان ل ئەنجوومەنا نوونەران و ئەنجوومەنا پیران ل راگەھاندنا بلەز ئاگاھدار کرنە و ئاماژە ب وێ یەکێ ژی کریە.
نیو یۆرک تایمسێ ب زمانێ بەرپرسەکی ئامەریکایێ یێ نەخواست ناڤێ وی بێ ئاشکەرا کرن ڤەگوھەست و گۆت: “گەلەک جاران کو چەک و تەقەمەنی بۆ ئیسرایلێ دھاتە شاندن، ل کۆنگرێ دووڤچوون ل سەر دھاتە کرن.” ھەروەھا دیار کریە کو وەزارەتا دەرڤە؛ “رێکەفتنا فرۆتنا چەکان ب نرخێ نێزیکی 2 ملیار دۆلاران نەشاندیە بۆ کۆنگرێ کو دووڤچوون ل سەر بێ کرن.”
رۆژنامەیێ گۆت، وەزارەتا بەرەڤانیا ئامەریکا (پینتاگۆن) رۆژا ئەینیا بۆری ھوورگلیێن ڤێ فرۆتنا چەکان ژ ئیسرایلێ راگەھاندنە و زێدەتر ژ 35 ھەزار بۆمبە ل خوە دگرە، کو گرانیا ھەر یەک ژ وان بۆمبەیان نێزیکی یەک تۆنێیە.
