رێخستنا چەتەیان یا ب ناڤێ “جوانێن شۆرەشگەر” یا گرێدایی پەکەکێ زارۆکەک دن ژ باژارێ حەسەکێ ب ئارمانجا چەکدارکرنا وی د ناڤا رەفێن پارتیێ دە رەڤاند.
د 2ێ ئادارێ دە، تۆرا سووری یا مافێن مرۆڤان رەڤاندنا زارۆکێ 11 سالی یزن خەمیس جوومعا ژ ئالیێ رێخستنا “جوانێن شۆرەشگەر” ژ تاخا نەشوایا رۆژئاڤا ل باژارێ حەسەکێ بەلگە کریە.
ل گۆر ئاگاهیان چەتەیێن ب ناڤێ “جوانێن شۆرەشگەر” ئەو زارۆک بریە کامپێن تەجنیدکرنا زارۆکان.
مالباتا زارۆکێ رەڤاندی تەڤی ھەولدانێن وان یێن سەردانا ناڤەندێن گرێدایی پارتیا یەکیتیا دەمۆکراتیک و ھێزێن سووریەیا دەمۆکراتیک، ھینا نەکارینە ئاگاھیان دەربارێ چارەنڤیسا کورێ خوە ب دەست بخن و ھەولێن مالباتا وی ژ بۆ لێگەرینا کورێ وی تێک چوونە.
تێ زانین فەرماندارێ ھێزێن سووریا دەمۆکراتیک مەزلووم کۆبانێ د سالا 2019 دە لگەل ڤێرجینیا گامبا نوونەرا نەتەوێن یەکگرتی بۆ کارووبارێن زارۆکان، ل سەر پەیمانەکێ ئیمزە کربوو، کو ئێدی زارۆکان تەڤلی ھێزێن خوە نەکە و زارۆکێن د ناڤ دە سەربەست بەردە، لێ تا نھا چ پابەندی ب وێ پەیمانێ نەھاتیە کرن، ھەر دەم چەکدارێن ب ناڤ و رەنگێن جودا د ناڤا هەسەدێ دە زارۆکان درەڤینن و تەڤلی لەشکەریا نەچاری دکن.
ل گۆری چاڤدێران ئارمانجا چەتەیێن ب ناڤێ “جوانێن شۆرەشگەر” ژ رەڤاندنا زارۆکێن تەمەن بچووک، شووشتنا مەژیێ زارۆکان ل گۆر بیردۆزیێن پارتیا کارکەرێن کوردستانێ و تەڤلیکرنا وان د ناڤا رەفێن لەشکەری یێن پارتیێ دەیە.
