فرانسا کوشتنا عه‌له‌ویێن سووریەیێ شەرمەزار دکە

وەزارەتا دەرڤە یا فرانسا کوشتنا عه‌له‌ویێن سووریەیێ شەرمەزار کر و داخواز کر کو ت کەس ژ بەر باوەریێن خوە نەیێن کوشتن.

وەزارەتا دەرڤە یا فرانسایێ ئیرۆ 8ێ ئادارا 2025ان، کوشتنا وەلاتیێن عه‌له‌وی ل سووریەیێ شەرمەزار کر و گۆت، نابە ت کەس ژ بەر بیر و باوەریێن ئۆلی و سیاسی بێن کوشتن.

هەروها داخواز ژ دەستهلاتێن نوو یێن سووریەیێ کر کو لێکۆلینەکە بێئالی بکن و بەرپرسان جەزا بکن.

ل پەراڤێن سووریەیێ ئالۆزیەکە مەزن ژ رۆژ پێنجشەمێ 6ێ ئادارا 2025ان ڤە هەیە، ل پارێزگەهێن لازقیە و تەرتووسێ شەر و پەڤچوون د ناڤبەرا هێزێن حکوومەتا نوو یا سووریێ و ئالیگرێن رێژیما بەرێ یا ئەسەد دە دەرکەتنە.

رەوانگەها سووری بۆ مافێن مرۆڤان بەلاڤ کر، ل پارێزگەهێن لازقیە و تەرتووسێ د شەر ئالۆزیێن ناڤبەرا هێزێن ئەولەهیێ و پاشمایێن رێژیما ئەسەد دە، نێزیکی 600 کەسان هاتن کوشتن، پرانیا وان وەلاتیێن عه‌له‌وینە.