رەوانگەها سووری بۆ مافێن مرۆڤان گۆت، هەژمارا کوشتیێن پەڤچوونێن ل پارێزگەهێن بەراڤا سووریەیێ گهیشتیە زێدەتری هەزار کەسان.
رەوانگەها سووری بۆ مافێن مرۆڤان ئیرۆ 9ێ ئادارێ گۆت، هەژمارا کوشتیێن پەڤچوونێن ل پارێزگەهێن لازقیە و تەرتووسێ هەتا ئێڤارا شەمیێ گهیشتیە 1018 کەسان.
رەوانگەهێ دیار کر، د ناڤ کوشتیان دە 745 کەسێن سڤیل هەنە کو پرانیا وان عەلەوینە.
هەروها 125 ئەندامێن هێزێن ئەولەکاریا گشتی، وەزارەتا بەرەڤانیێ و هێزێن هەڤپەیمانێن وێ هاتنە کوشتن. ژ ئالیێ چەکدارێن پاشمایێن رێژیما بەرێ ژی 148 کەس هاتنە کوشتن.
رێڤەبەرێ گشتی یێ ئەولەهیێ ل پارێزگەها لازقیێ مستەفا کەنفەتی گۆت، هەر کەسێ ئیسبات ببە کو دەستێ وی د ئێریشان دە هەیە، چ ژ پاشمایێن رەژیمێ، چ دز و یێن کو ئەولەهیێ تێک ددن بن، دێ لێپرسین ب وان رە بێ کرن.
شەر و ئۆپەڤچوون ژ رۆژا پێنجشەما بۆری ڤە ل دەڤەرا بەراڤێن سووریەیێ ژ بەردەوامە، ئەو ژی پشتی زنجیرەک ئێریشێن پاشمایێن رژیما ئەسەد ل سەر هێزێن حکوومەتا ڤەگوهێز یا سووریەیێ.
