باخچەلی دا خویاکرن کو، بریارا ئاگربەستێ یا پەکەکێ “راست، ھەڤسەنگ و د جھ دە نینە” و گۆت، “دڤێت بێ شەرت دەست ژ چەکان بهێتە بەردان.” ھەر وەھا دیار کر، دڤێت بانگا ئۆجالان ژ بۆ یەپەگێ ژی دەرباس ببە.
د داخویانیا باخچەلی دە پێڤاژۆیا خوە ھلوەشیندنێ یا پەکەکێ شەرێ ناڤبەرا وان و پەکەکێ وەک “وێرانی و تەرۆرا 41 سالی” پێناسە کر و گۆت، “ب ھەڤکاریێ، ب دەرفەتێن ئاقلێ ھەڤپار، بێ گومان و ژ دل، ب راستەقینە و پێنگاڤێن جھێ باوەریێ دێ ژ ھۆلێ هێتە راکرن.”
د داخویانیا باخچەلی دە ئەڤ ھشیاریە ژی ھاتن دان: ژ بۆ کو روویدانەک نەقەومە، ژ بۆ کو واتەیێن شاش نەیێن فێھمکرن، ژ بۆ ئەڤ پێشکەتنێن خوەشبین یێن حەساس نەیێن ئاستەنگکرن، پێویستی ب نێزیکاتیەکا بەرپرسیارانە، حەساس و ھشیاربوونێ ھەیە.
باخچەلی گۆت، “ل پێشیا مە فرسەندەکا زێرین ھەیە کو نابیت ئێهمال و بنپێکرنا وێ بهێت کرن.”
باخچەلی دەربارێ دەم پارتیێ ژی پەیام دا و گۆت، “دەم پارتی ئەگەر ل گەل پەیامێن خوە ب خوینساری، بەرپرسیارانە و گەرم گاڤێن خوەیێن ھەڤگرتی و ئارامی دەوام بکە، دێ رێ ژ بۆی وێ ڤەبە کو ببە پارتیا ترکیەیێ.”
ل گۆری گۆتنا باخچەلی بانگا عەبدوللاھ ئۆجالان یا 27 شوباتێ پەکەکێ ھەر وەھا “ھەموو رێکخستن و کۆمێن دن یێن گرێدایی وێ ڤە ژی ب خوەڤە دگرە”.
باخچەلی دیار کر، یەپەگە ژی د ڤێ چارچۆڤەیێ دەیە و گۆت، “گرانیداینا ل سەر داخوازێن سیاسی و زەمینا یاسایی خەفلەتی یە.”
باخچەلی ئانی زمان، پەکەکە و کۆمێن “سەر ب وێ ڤە” دڤێت ‘تەڤلی ببن و بێ شەرت دەست ژ چەکان بەردن’، ھەر وەھا چەکێن خوە ژی رادەستی کۆمارا ترکیەیێ بکن و دەستنیشان کر، داخویانیا ئاگربەستێ یا پەکەکێ راست، ھەڤسەنگ و د جھ دە نینە.
باخچەلی بانگ ل پەکەکێ کر کو ‘بێیی شەرت و مەرجەکی بدە پێش دەست ژ چەکان بەردە، داویێ ب ھەبوونا خوەیا رێخستنی بینە؛ و وەھا بەردەوام کر: “دینامیکێن تەڤلیهەڤیێ یێن ھەرێمی گەلەکی چالاکن. سیستەما ناڤنەتەوەیی یا کو پشتی شەرێ جیھانێ یێ دویەمین ئاڤا بووی، ب دەربەیێن کوژەک ل بەر تەسفیەیێ یە.”
باخچەلی ل ھەمبەری مەترسیێن ھەرێمی و ناڤنەتەوەیی بال کشاند سەر پێویستیا ب “کەشێ ئاشتی و ئارامیا ناڤخوەیی” سەدسالەکا ‘ترک و ترکیەیێ’ دەستنیشان کر.
