ئیرۆ 10/3/2025 رەوانگەھا سووری یا مافێن مرۆڤان (SOHR) داخویانیەک دەربارێ شەر و پەڤچوونێن ل سووریێ بەلاڤ کر.
داخویانیا رەوانگەھا سووری یا مافێن مرۆڤان دە ھات گۆتن، شەرێ تایفی یێ پەراڤێن سووریێ و چیایێن لازقیێ کارەساتێن مەزن ل دویڤ خوە ئانین و ژ بەر وێ ژی ب سەدان کەس بوونە قوربانی کو ناڤ وان دە ژن و زارۆک ژی ھەنە.
ھەروەھا ھات راگەھاندن، د شەرێ ھێزێن ئاساییشا ناڤخوە و وەزارەتا بەرەڤانیا سووریێ دە بنپێکرنێن مافێن مرۆڤ پێکھاتنە و کۆمکوژی چێبوونە و ھەژمارا وان کۆمکوژیان گەھەشتیە 39 کۆمکوژیان، کو ژ دەما شەر د ناڤبەرا ھێز و چەکدارێن سووریێ و چەکدارێن عەلەوی دە د وان سێ رۆژان دە 973 کەس بوونە قوربانی و شەر ژی ھین بەردەوام دکە.
رەوانگەھا سووری یا مافێن مرۆڤان بانگەوازی ل دەستھلاتدارێن شامێ کر کو لێکۆلینێ ل گەل وان کەسانە بکە کو بەرپرسێن ھێزێن ئەولەھیێ نە و ب ئاوایەکی عەشوایی خەلک کوشتنە و مافێن مرۆڤی بنپێ کرنە.
