وەزیرێ دەرڤەیێ ترکیەیێ ھاکان فیدان راگھاند، ئەنقەرە ژ نێزیک ڤە چاڤدێریا رێکەفتنا د ناڤبەرا حکوومەتا سووریەیێ و ھێزێن سووریەیا دەمۆکراتیک (ھەسەدێ) دکە. ھەروھا گۆت، ئەو ژ بەر مەترسیێن ل سەر ئەولەھیا پاشەرۆژا ترکیەیێ نیگەرانن.
فیدان د ھەڤپەیڤینەکێ دە لگەل تەلەڤیزیۆنەکا ترکیەیێ دە گۆت، وی د سەردانا خوەیا رۆژا پێنجشەمێ بۆ سووریەیێ دە، نیگەرانیێن ترکیەیێ ب رایەدارێن سووریەیێ راگھاند.
ھەروھا گۆت: “ئەگەر پەیمانەک ب نیازەکا باش بهێت ئیمزەکرن، دێ بەردەوام بکە، ھەر چەندە دبە کو د پێشەرۆژێ دە ھندەک پرسگرێک دەرکەڤن. ئەم وەک ترکیەیێ دێ ژ نێزیک ڤە چاڤدێریا ڤێ مژارێ کن.”
رێکەفتن و پێکڤەژیانا ھەسەدێ لگەل حکوومەتا نوویا سووریەیێ، پشتی شەر و پەڤچوونێن توند یێن ھەفتەیا بۆری د ناڤبەرا ھێزێن ئەولەکاریێ یا حکوومەتا نوو یا سووریەیێ و پاشماھیێن رژیما بەشار ئەسەد دە ھات.
فیدان گۆت: “ترکیە پەیمانێ وەکە دانا ئۆتۆنۆمیێ ژ بۆ ھێزێن سووریەیا دەمۆکراتیک نابینە.”
