ل گۆر ئامارێن رەوانگەھا سووری یا مافێن مرۆڤان د ئەنجاما وان توندیێن ل پەراڤێن سووریێ دە 1500 کەس ھاتنە کوشتن، کو پرانیا وان عەلەوی بوون.
رەوانگەھا مافێ مرۆڤان یا سووریێ (سۆھر)ێ راگەھاند: “ژ 6 ئادارێ ڤە ھەژمارا سڤیلێن ل پەراڤێن سووریێ ھەر د بلند بوونێ دەیە، کو پشتی ئێریشێن گرووپێن چەکدارێن ناڤخوە ئێریشی ھێزێن ئەولەھیێ و یەکینەیێن وەزارەتا بەرەڤانیێ ئەنجامداین ئەو بوویەر دەست پێ کرن. ئەو ژی بوو سەدەمێ ئاڤابوونا ئالۆزی و توندیێن بەرفرەھ کو ھەتا نھا 1500 کەسان ژیانا خوە ژ دەست دانە.”
رەوانگەھا سووری یا مافێ مرۆڤان، 2 کۆمکوژی د 14ێ ئادارێ دە ل باژارێن لازقییە و تەرتووسێ ب بەلگە کرنە، کو د ھەردو کۆمکوژیان دە 24 کەس ھاتنە کوشتن و پرانیا وان ژی عەلەوی نە.
دوھ 14/3/2025 رێڤەبەرێ رەوانگەھا سووری یا مافێ مرۆڤان رامی عەبدولرەحمان راگەھاند، پشتی بەلاڤکرنا راپۆرت، ئامار و زانیاریان ل سەر کۆمکوژیێن پەراڤێن سووریێ، گەفا کوشتنێ ل وی ھاتیە کرن و دیار کر، ھەموو ئەو کەسێن ل گەل رەوانگەھا سووری یا مافێ مرۆڤان کار دکن ژیانا وان د بن مەترسیێ دەیە.
