سەرۆکێ مه‌هه‌پێ دەولەت باخچه‌لی ل سەر بانگا عه‌بدوللا ئۆجالان یا چەکدانین و فەسخکرنا په‌كه‌كێ گۆت: “بریارا فەسخکرنا په‌كه‌كێ نایێ بپاشخستن”.
باخچه‌لی ل سەر بانگا رێبەرێ په‌كه‌كێ عه‌بدوللا ئۆجالان یا ژ بۆ چەکدانین و پەیمانا ئەنتەگراسیۆنێ یا کو د ناڤبەرا رێڤەبەریا شامێ و هه‌سه‌دێ دە هاتیە ئیمزەکرن داخویانیەکە نڤیسکی دا.
دەڤلەت باخچه‌لی د داخویانیا خوە دە وها گۆت: “دڤێ په‌كه‌كه بێیی کو ت مەرجی پێشکێش بکە، ل گۆری بانگا 27ێ سباتێ، کۆنگەرەیا خوە کۆم بکە و بریارا فەسخکرنێ بدە، تەسلیمکرنا چەکێن بخوین دەرەنگخستن ئان ژی بپاشخستن نابە و ئەڤ مژارەکە رۆژەڤا مەیە”.
هه‌روه‌ها گۆت: “رێبەرێ تەرۆریستان کو په‌كه‌كه دامەزراندیە و فەرمانا وێ ددە عه‌بدوللا ئۆجالان، د هەمان دەمێ دە رێبەرێ ئاڤاکەرێ رێخستنێ یە. کی چ دبێژە بلا ببێژە راستیا ئەشکەرە ئەڤە”.
سه‌رۆكێ مه‌هه‌پێ ده‌بارێ هەڤدیتنا ب شاندەیا دەم پارتیێ ره ژی گۆت: “بێ گومان من دخوەست ئەز ل هەڤدیتنا دویەمین یا شاندەیا دەم پارتیێ یا سبێ ب پارتیا تەڤگەرا نەتەوەیی رە ژی بەشدار ببم و نێرینێن خوە ب هەڤ بگوهەرینن، لێ هەڤالێن من یێن کو ژ بۆ نوونەرتیا پارتیا مە هاتنە وەزیفەدارکرن، ئەز باوەر دکم کو دێ ڤالاهیا من داگرن و دێ ب روحیەتەکە زەلال و پاک رامانێن مە ژ مخاتابێن خوە رە ڤەبێژن”.
ده‌ربارێ په‌یمانا 10 ئادارێ یا مه‌زلووم عه‌بدی و ئه‌حمه‌د شه‌رع، باخچه‌لی گۆت: “ب پەیمانا 8 خالی یا کو 10ێ ئادارێ کو ل شامێ د ناڤبەرا سەرۆککۆمارێ کۆمارا عەرەبی یا سووریەیێ و سەرۆکێ په‌یه‌دێ/یه‌په‌گێ دە هات ئیمزەکرن، ئاستەنگەکە گرینگ هات دەرباسکرن و یەکپارچەبوونا سیاسی و ئەردنیگاری یا سووریەیێ،هات تەسجیلکرن”.
