ل گوندێ سۆفیانێ درۆنەک کەفت سەر ترومبێلەکێ

قایمقامێ قەزایا دوکانێ راگەھاند، “ل گوندێ سۆفیانێ یێ گرێدایی کۆملەگەھا بنگرێ یا قەزایا دوکانێ، درۆنەک کەفت سەر ترومبێلەکێ لێ چ زرارێن جانی نەبوون.”

قایمقامێ قەزایا دوکانێ سیروان سەرحەد ئیرۆ یەکشەمبێ، 16/3/2025 راگەھاند، “ئەو ترومبێلا کو درۆنەک ب سەر دە ھاتیە خوارێ د مالەکێ دە راوەستایی بوو و ب کەفتنا وێ درۆنێ شەوات چێ بوو.”

قایمقامێ قەزایا دوکانێ ھەروەسا گۆت، “ھەتا نھا دیار نەبوویە کا ئەو درۆن کەفتیە یان ژی درۆنا خوەکوژیێ بوویە و ئەو ترومبێل کریە ئارمانج.” ئاماژە ژی دا، “تەنێ زرارێن مادی ژ وێ روودانێ چێ بوونە و چ زرارێن جانی ژێ چێ نەبوونە.”