سەردانێن دەم پارتیێ یێن پارتیێن سیاسی یێن ل پارلامەنتۆیا ترکیەیێ بەردەوامن.
دەم پارتی ھەتا نھا ل ترکیێ و باکورێ کوردستانێ چوویە سەردانا ئالیێن سیاسی و ل 101 ناڤەندان ل گەل خەلکێ، سازیێن سڤیل و ئالیێن جودایێن جڤاکێ ھەڤدیتن کرنە.
ھەڤسەرۆکێ دەم پارتیێ دا زانین کو دڤێت ژ بۆ بھێزکرنا پێڤاژۆیێ ئەو خوە بگھینن ھەموو ئالیێن جڤاکێ.
شاندەیا دەم پارتیێ ئیرۆ د چارچۆڤەیا خەباتێن خوە دە دێ ل پارلامەنتۆیا ترکیەیێ بچە سەردانا مەھەپێ و ئاک پارتیێ.
سەرۆکێ مرھرپێ دەولەت باخچەلی ب داخویانیەکا نڤیسکی سەردانێن دەم پارتیێ وەکی گرینگی پێناسە کر.
سەرۆکێ مەھەپێ دەولەت باخچەلی گۆت:
“ھەڤدیتنێن شاندەیا دەم پارتیێ یێن لگەل پارتیێن سیاسی د چارچۆڤەیا بەرنامەیەکێ دە و پشتگریا وان یا ژ بۆ تێکۆشینا ترکیەیا بێتەرۆر ھێژایی سپاسی و پەسنداینێ یە.”
سەرۆکێ شارەداریا باژارێ مەزن یێ ستەنبۆلێ ئەکرەم ئیمامۆغلو ژی رۆژا یەکشەمبێ ل ئامەدێ بوو و د رۆژەڤا وی دە ژی پێڤاژۆیا نوو ھەبوو.
سەرۆکێ شارەداریا باژارێ مەزن یێ ستەنبۆلێ ئەکرەم ئیمامۆغلو د گۆتارا خوەیا ل ئامەدێ دە ئانی زمان:
“ئەم، دبێژین ب توندوتیژی، رووبرووبوون و تەرۆرێ چ پرسگرێک نایێن چارەسەرکرن.
دڤێت چەک بێدەنگ ببن. دڤێت رووبرووبوون ب داوی ببن.
دڤێت چارەسەری لگەل دیالۆگا ھەموو ئالیێن جڤاکێ پێک بهێت.
کورد و ھەموو ئالیێن جڤاکێ دڤێت خوە وەکی خوەدیێن ڤی وەلاتی، وەلاتیێ وەکھەڤ و بروومەت و ھەڤبەشێ ڤی وەلاتی ھەست بکن.
پێکانینا ڤێ یەکێ ئەرکێ مە ھەموویانە، ئەرکێ دەولەتا مەیە.”
شاندەیا دەم پارتیێ د چارچۆڤەیا خەباتێن خوە دە دێ پشتی جەژنا رەمەزانێ ل گەل سەرۆککۆمارێ ترکیەیێ رەجەب تەییب ئەردۆگان کۆم بیت.
ژ بۆ بپێشکەتنا پێڤاژۆیێ نھا چاڤ ل سەر سازکرنا کۆنگرەیا پەکەکێ و گاڤێن دەولەتێ نە.
