سەرۆکێ مهپیێ دەڤلەت باهچەلی ل سەر دەستەسەرکرنا ئەکرەم ئیمامئۆغلو گۆت، “ل ترکیەیێ یاسا هەنە، ئەگەر کەسەک یاسایان بن پێ بکە بێ گومان دێ هەساب بدە. کەس نینە کو هەساب نەدە. پارێزبەندیا کەسی نینە”.
د چارچۆڤەیا لێپرسینا ل سەر شارەداریا باژارێ مەزنێ ستەنبۆلێ دە دەربارێ 100 کەسی بریارا دەستەسەرکرنێ هات دایین و سەرۆکێ شارەداریا باژارێ مەزنێ ستەنبۆلێ ئەکرەم ئیمامئۆغلو ژی هات دەستەسەرکرن.
سەرۆکێ مه‌هه‌پێ دەولەت باخچەلی دەربارێ دەستەسەرکرنا سەرۆکێ شارەداریا باژارێ مەزنێ ستەنبۆلێ ئەکرەم ئیمامئۆغلو داخویانیەک بەلاڤ کر.
باخچەلی د داخویانیا خوە دە دیار کر کو “ل ترکیەیێ یاسا هەنە و هەر کەس ل گۆری وان یاسایان تێن دارزاندن و باوەریا وی ب حقووقا ترکیەیێ هەیە”.
باخچەلی راگهاند کو رێزگرتنا ل یاسایان بەرپرسیاریەکە هەڤبەشە و دڤێ بریارا ژ بۆ ئیمامئۆغلو ل گۆری ڤێ یەکێ بێ دیتن و پێ دە چوو:
“تەدبیرەکە حوقووقی ب ناڤێ داربەیێ رەش کرن و ژ بۆ لێگەرینا ماف ئامادەکاریا دەرکەتنا کۆلانان کرن، خرابیەکە سیاسییە کو ئاقل و ئەخلاقێ خوە ژ دەست دایە.
د چارچۆڤەیا لێپرسینا ل سەر شارەداریا باژارێ مەزنێ ستەنبۆلێ دە دەربارێ 100 کەسی بریارا دەستەسەرکرنێ هات دایین.
سەرۆکێ شارەداریا باژارێ مەزنا ستەنبۆلێ ئەکرەم ئیمامئۆغلو ژی هات دەستەسەرکرن.
ل سەر ئەکرەم ئیمامئۆغلو دەست ب لێپرسینەکە دویەم ژی هات کرن و ئەو ب «په‌كه‌كێ/كه‌جه‌كێ» رە هات تێکلدارکرن.
سەرۆکێ شارەداریا ششلیێ یا ستەنبۆلێ رەسول ئەمراهـ شاهان، شێورمەندێ ئیمامئۆغلو یێ چاپەمەنیێ مورات ئۆنگون، رۆژنامەگەر ئیسماعیل سایماز و سەرۆکێ شارەداریا بەیلیکدوزویێ مورات چالک ژی هاتن دەستەسەرکرن.
ل هێلا دن، ستاسیۆنا مەترۆیێ یا تاکسیمێ ژی ب بریارا پارێزگاریا ستەنبۆلێ هات گرتن و دێ سەفەر نەیێن کرن.
پارێزگاریا ستەنبۆلێ د ناڤبەرا 19-23یێ ئادارێ دە جڤین و خوەنیشاندان قەدەخە کرن.
