بریارە ئیرۆ 27ێ ئادارێ دانێ ئێڤارێ ب بۆنەیا جەژنا نەتەوەیی یا نەورۆزێ، شاهیەک ل پاریسێ وەرە لدارخستن.
نوونەرتیا حکوومەتا هەرێما کوردستانێ یا ل پاریسێ مەراسیمێ ئۆرگانیزە دکە. شارەدارا پاریسێ ئاننە هدالگۆ، سەرۆکێ کۆما لێکۆلینێن کوردی ل پارلامەنتۆیا فرانسایێ تۆماس پۆرتە، پارێزگارێ هەولێرێ ئۆمێد خۆشناو، ل گەل هەژمارەک سەناتۆرێن فرانسی و کوردێن دیاسپۆرا دێ بەشداری مەراسیمێ ببن.
بەریا مەراسیمێ، پارێزگارێ هەولێرێ ئۆمید خۆشناو دێ ب سەرۆکا شارەداریا پاریسێ ئاننە هدالگۆ رە بجڤە.
دۆستانیەکە دیرۆکی یا فرانسا و کوردستانێ هەیە. بەرێ فرانسیان د رۆژێن دژوار دە ئالیکاریا کوردان کرنە و هەرتم هەول دانە کو ستاتویا هەرێما کوردستانێ بپارێزن. نها ژی فرانسی دخوازن نەورۆزێ ل دۆستێن کوردان پیرۆز بکن.
ژ تیرمەها 2019ێ ڤە، پاریس و هەولێر پەیمانەکە دۆستانی و هەڤاهەنگیێ ئیمزە کرنە و بوونە باژارێن دەستەخوشک. ئارمانجا پەیمانێ ژی، پێشخستنا هەڤکاریا د ناڤبەرا هەر دو پایتەختان دەیە.
