ئالیکارێ سەرۆکۆمارێ ترکیەیێ جەودەت یلماز ل سەر پێڤاژۆیا نوو ئاخڤی و دیار کر کو دڤێ په‌كه‌كه کۆنگرەیا خوە ل دار بخە.
جه‌وده‌ت یلماز ل سەر پێشهاتێن داوییێن ل ترکیەیێ ژ کانالا CNN تورکێ رە ئاخڤی.
یلماز بەحسا گرتنا سەرۆکێ شارەداریا باژارێ مەزنا ستەنبۆلێ ئەکرەم ئیمامئۆغلو، بانگا بۆیکۆتێ یا سەرۆکێ جه‌هه‌پێ ئۆزگور ئۆزەل، پێوەندیێن ترکیە و ئیسرائیلێ پێنگاڤێن چارەسەرکرنا پرسگرێکا کوردان کر.
ئالیکارێ سەرۆککۆمارێ ترکیەیێ دیار کر کو سیاسەتا دەمۆکراتیک دێ ل ترکیەیێ خورتر ببە و گۆت، “د ناڤا پێشبازیا دەمۆکراتیک دە، هەموو پرسگرێکێن وەلاتێ مە دێ وەرە ئاخافتن و نیقاشکرن”.
جه‌وده‌ت یلماز ئاماژە ب پێشهاتێن داوی یێن پێڤاژۆیا کر و وها گۆت: “نها تۆپ د قادا رێخستنا تەرۆرێ دە یە، دڤێ کۆنگرەیا خوە چێبکن و خوە فەسخ بکن. ئەڤ پێڤاژۆ دێ باندۆرەکە ئەرێنی ل سەر ستانداردێن مە یێن دەمۆکراتیک و پێشکەتنێ بکە. ئاتمۆسفەرەک نوو دێ چێببە. ئەم هەر تم دبێژن، ت پارتیێن سیاسی نابە د بن سیا تەرۆرێ دە سیاسەتێ بکن. ئەز باوەرم کو ب ڤێ فەسخێ رە، سیاسەتا دەمۆکراتیک ل ترکیەیێ دێ خورتر ببە”.
هه‌روه‌ها گۆت: “د ناڤا پێشبازیا دەمۆکراتیک دە، هەموو پرسگرێکێن وەلاتێ مە دێ وەرە ئاخافتن و نقاشکرن. چ ب کێری 85 ملیۆن مرۆڤان تێ، ئەم دێ ب وان ئەنجامان رێیا خوە بدۆمینن”.
یلماز ل سەر دەما چەکدانینا په‌كه‌كێ ژی گۆت، “برێز سەرۆکۆمارێ مە ژی د رۆژێن بۆری دە گۆت. سەبرا مە گەلەک تونە، دڤێ د دەمەکە هەری کن دە پێک وەرە، ژ بەر کو گەلەک کەس هەنە کو پێڤاژۆیێ تەڤلیهەڤ دکن”.
