د کۆنگرەیا ئاوارتەیا جەهەپێ دە کو رۆژا یەکشەمبێ 6ێ نیسانێ ھات لدارخستن، ئۆزگور ئۆزەل دیسا وەک سەرۆکێ پارتیێ ھات ھلبژارتن، نیقاشێن دەربارێ کۆنگرەیا دوماهیێ بەردەوام دکن. ھات دیارکرن کو دەربارێ کۆنگرەیێ دە بەرھان شیمشەک ژی دخوەست ببە بەربژێرێ سەرۆکاتیا جەهەپێ. لێ ب ھێجەتا موولەت دەرباس کریە و چەند خولەکان دەرەنگ مایە بەربژێریا وی نەھات پەژراندن.
پشتی کۆنگرەیێ سکالایا ڤێ یەکێ ل لژنەیا ھلبژارتنێ یا بلند ھات تۆمارا کرن. د داخوازنامەیێ دە ئەڤ تشت ھاتن گۆتن: “قانوون ھاتە دۆرپێچکرن، ب ئاوایەکی نەدەمۆکراتیک بوویەرەک پێک ھات و ژ بەر ئاستەنگیێن فیزیکی من نەکاری ببم بەربژێر. بەربژێرییا من ھاتە ئاستەنگکرن.”
رۆژنامەگەر و نڤیسکار نورای باشاران د داخویانیا خوە یا د بەرنامەیا قادا تاکسیمێ یا کو د TGRT نیوسێ دە ھات وەشاندن دە راگھاند کو دەر بارێ کۆنگرەیێ دە سکالا ل لژنەیا ھلبژارتنێ یا بلند ھاتیە تۆمار کرن.
باشاران دا زانین کو دەر بارێ کۆنگرەیا ئاوارتە دە سکالا ھاتیە کرن و راگھاند کو پێڤاژۆیا سکالایێ یا تێکلداری کۆنگرەیێ دەست پێ کریە. باشاران دیار کر کو ل گۆری ئاگاھیێن کو کەتنە دەستێ وێ، ئەندامەکی جەهەپێ د کۆنگرەیێ دە ژ بەر ھندەک خەلەتیێن مادی و رەوشێن کو ل دژی قانوونا پارتیێ نە، سکالا ل لژنەیا بلند یا ھلبژارتنێ تۆمار کریە.” ژ بۆ سکالایێن کۆنگرەیێن ئاوارتە 48 دەمژمێر دەم ھەیە.”
ھات ئیداکرن کو ئیرادەیا وەکیلان د سەرلێدانێ دە ب ئاوایەکی ساخلەم دەرنەکەتیە ھۆلێ، موعامەلەیێن ل دژی قانوونان ھاتنە کرن و ھندەک رەگەز ب کێماسی ھاتنە مەشاندن.
پارلامەنتەر و ئاکتۆرێ بەرێ یێ جەهەپێ یێ ستەنبۆلێ بەرھان شیمشەک دیار کربوو کو ژ بۆ د کۆنگرەیا 21ێ یا ئاوارتە یا جەهەپێ دە ببە کاندیدێ سەرۆکاتیا پارتیێ ب تێرا خوە ئیمزە ب دەست خستنە، لێ د کۆنگرەیێ دە داخوازا وی ژ بۆ سەرۆکاتیێ نەھات قەبوول کرن.
شیمشەک، دیار کر کو ب بریارا وەکیلان بریارا کاندیدیا سەرۆکاتیا پارتیێ دا و وھا گۆت: “ئەم ئیمزایان کۆم دکن، دەمژمێرەک دەرباس دبت، 5 یان ژی 6 ئیمزا تێن پاشخستن. ئەز د بن زەختەکا مەزن دە، ب کەدەکا مەزن، ب دەمژمێرەکێ رازایی و ب نڤیسا ئاخافتنێ ھاتم سالۆنێ. ئەندامێن پارتیێ شاھدن، من نەکاری ئەز بکەڤم سالۆنێ.
شیمشەک، دیار کر کو ژ بۆ کاندیدیا سەرۆکاتیێ 97 ئیمزە کۆم کرنە لێ نکارن سەرلێدانا کاندیدیێ بکن، ئیدیعا کر کو د کۆنگرەیا 38ێ یا ئاسایی یا کو د 4-5ێ مژدارا 2023 دە ھاتی لدارخستن دە 4 دەمژمێران شووندە لیستە دانە لژنەیا سەرۆکاتیێ.
