شاندا دەم پارتیێ و ئەردۆگان ل سەر پێڤاژۆیا نوو یا ئاشتیێ دجڤن

شاندا ئیمرالیێ یا دەم پارتیێ و سەرۆککۆمارێ ترکیەیێ رەجەپ تاییپ ئەردۆگان رە دجڤن و گۆفتووگۆیێ دەربارێ پێڤاژۆیا نوو یا ئاشتیێ ل ترکیە و باکورێ کوردستانێ دکن.

شاندا پارتیا وەکهەڤی و دەمۆکراسیێ یا گەلان (دەم پارتی) بریارە ئیرۆ دەمژمێر 13:30ان دە ب سەرۆککۆمارێ ترکیەیێ و سەرۆکێ ئاک پارتیێ  رەجەپ تاییپ ئەردۆگان رە بجڤە.

شاندا دەم پارتیێئا بریارە ب ئەردۆگان رە بجڤە، ژ جیگرێ سەرۆکێ پارلامەنتۆیا ترکیەیێ سڕی سورەییا ئۆندەر و پارلامەنتەرا دەم پارتیێ په‌رڤین بولدان پێک تێ.

ئەردۆگان دوهـ د جڤینا فراکسیۆنا پارتیا خوە یا پارلەمەنتۆیێ دە گۆتبوو، ئەوێ ب شاندا ئیمرالیێ یا پارتیا وەکهەڤی و دەمۆکراسیێ یا گەلان (دەم پارتی) رە هەڤدیتنێ بکە.

ئەردۆگان گۆت: «مژارێن مە هەنە کو ژ بۆ پاشەرۆژا وەلاتێ مە پر گرینگن، د ناڤ دە ئارمانجا ‘ترکیەیا بێتەرۆر. وەکە هەڤپەیمانیا جومهور، ئەمێ پێڤاژۆیێ ب ئاوایەکی کو ب کێری وەلاتێ مە بێ، ب بالداری بمەشینن».

ل گۆری مەدیایا ترکیەیێ، پشتی هەڤدیتنا ب ئەردۆگان رە، شاندا دەم پارتیێ دێ سەردانا گراڤا ئیمرالیێ بکە و جارا چارەمین ب رێبەرێ په‌كه‌كێ گرتی ئابدوڵاهـ ئۆجالان رە بجڤە.

مەدیایا ترکیێ راگهاند، تێ پایین کو ئۆجالان د پەیامەکێ دە جارەکە دن تەکەزی ل سەر دانینا چەکان بکە، پشتی ڤێ یەکێ ژی په‌كه‌كه‌ دێ ڤێ مەهێ کۆنگرەیا هلوەشاندنێ لدار بخە.