کریزا دل ل ئەندامێ هەیئەتا ئیمرالیێ سڕی سورەییا ئۆندەر دا

نەخوەشخانەیا Florence Nightingale یا ستەنبۆلێ راگهاند کو مەترسیا ل سەر ژیانا پارلامەنتەرێ دەم پارتیێ سڕی سورەییا ئۆندەر ددۆمە.

شەڤا بۆری کریزا دل ل ئەندامێ هەیئەتا ئیمرالیێ یا دەم پارتیێ و ئالیکارێ سەرۆکێ پارلامەنتۆیا ترکیەیێ سڕی سورەییا ئۆندەر دا.

تیمێن تەندورستیێ ئەو ب ئامبولانسێ راکر نەخوەشخانەیا Florence Nightingale یا ستەنبۆلێ، نشته‌رگه‌ریا سڕی سورەییا ئۆندەر خەلاس بوو و دەرباسی بەشا لێنهێرینا ئاوارتە هات کرن.

نەخوەشخانەیا Florence Nightingale دەربارێ رەوشا ئۆندەر داخویانی دا و ل گۆری داخویانیێ مەترسیا ل سەر ژیانێ ئۆندەر هین ژی بەردەوام دکە.

هه‌روه‌ها ده‌ستنیشان كر، شاهده‌مارا سرری سوره‌یا ئۆنده‌ر قه‌تیایه‌ و خوینا وی به‌ربوویه‌، ریتما دلێ وی تێک چوو و نابز و گەرا خوینێ راوەستیا بوو و گۆت: «مەترسیا ل سەر ژیانا وی هین ژی بەردەوام دکە».