تیمێن ئۆپەراسیۆنێن لەشکەری یێن هێزێن سووریەیا دەمۆکراتیک هه‌سه‌دێ، جوانەکی کوردێ ئێزدی ژ دەستێ داعشێ رزگار کر کو 11 سالان د دەستێ وان دە مایە.
هێزێن سووریەیا دەمۆکراتیک هه‌سه‌دێ راگهاند کو وان ئەو جوان ل 12ێ ئادارێ د ئۆپەراسیۆنەکە ئەولەهیێ دە رزگار کریە.
ناڤێ وی جوانی ئۆسمان خێرۆ خوەدێدایە و ئەو 3یێ تەباخا 2014ان د ئێرشا داعشێ یا ل سەر شنگالێ دە تەڤ ل مالباتا خوە هاتبوو رەڤاندن.
داعشێ ئەو رەڤاندن مووسلێ و پشتی وێ ب 3 مەهان ئۆسمان خێرۆ خوەدێدا و 60 زارۆکێن دن یێن کوردێن ئێزدی شاندن باژارێ ئەلبووکەمالێ یێ ل رۆژهلاتێ ل دێرەزۆرێ.
ئۆسمان خێرۆ خوەدێدا ژ گوندێ وەردیێ یێ شنگالێ یە و سالا 2006ان هاتیە دنێ.
ل هێلا دن، ل گۆری ئۆفیسا رزگارکرنا رەڤاندیێن ئێزدی یا هەرێما کوردستانێ، داعشێ تەباخا 2014ان 6 هەزار و 417 کوردێن ئێزدی رەڤاندن و هەتا نها 3 هەزار و 585 کەس ژ وان هاتنە رزگارکرن.
