حکوومەتا ئەلمانیایێ پرۆسەیا فرۆتنا فرۆکەیێن یۆرۆفایتەر یێن شەری بۆ ترکیەیێ ھلوەشاند.
یەکیتیا ئەورۆپایێ زیندانکرن و دوورخستنا ئەکرەم ئیمامۆغلو ژ پۆستێ شارەداریا ستەنبۆلێ گرنگ دبینە و بانگ ل دەستھلاتا ترکیەیێ دکە، پابەندی یاسایێن ناڤدەولەتی بە.
ل گۆر نووچەیا رۆژنامەیا “ھاندەلسبلات” حکوومەتا ئەلمانیایێ کو دێ پشتی چەند رۆژان دەستھلاتێن خوە رادەستی حکوومەتا نوو بکە، پرۆسەیا فرۆتنا فرۆکەیێن شەری یێن یۆرۆفایتەر بۆ ترکیەیێ ئاستەنگ کریە.
ئەڤ بریارا حکوومەتا ئەلمانیایێ، ب سەدەما زیندانکرن و دوورخستنا ئەکرەم ئیمامۆغلو ژ شارەداریا ستەنبۆلێ ھاتیە دایین.
حکوومەتا ئالمانیایێ زیندانکرنا ئیمامۆغلو وەک ئێرشا ل ھەمبەری دەمۆکراسیا ترکیەیێ بناڤ دکە و ھەولا دەستھلاتێ وەک نەھشتنا دژبەرێن خوە دبینە.
ترکیە ژ بەر بریارا ئەمەریکایێ یا دەرباری فرۆکەیێن F-35 و F-16، بریار دابوو ژ ئەورۆپایێ فرۆکەیێن یۆرۆفایتەر بکرە.
