پینتاگۆن ھەژمارا لەشکەرێن خوەیێن ل سووریێ کێم دکە

ل گۆر داخویانیا پینتاگۆنێ، ئامەریکا ھەژمارا لەشکەرێن خوە یێن ل سووریێ دێ بۆ بن ھەزار لەشکەران کێم کت.

وەزارەتا بەرەڤانیا ئەمەریکایێ (پینتاگۆن) ب داخویانیەکی راگەھاند، ئەمەریکا ل سووریێ ھەبوونا خوە یا لەشکەری د مەھێن پێش دە دێ بۆ بن ھەزار لەشکەران کێم کت.

بەردەڤکێ پینتاگۆنێ شان پارنێل راگەھاند، لەشکەرێن ئەمەریکایێ یێن ل سووریێ کار دکن و ل سەر ئەرکێ خوە نە، ل گۆر سەرەراستکرنێن نوو، ل وی وەلاتی ھەژمارا لەشکەران د مەھێن پێش دە دێ بۆ بن ھەزار لەشکەران کێم بت.

پارنێل د داخویانیا خوە یا نڤیسکی دە راگەھاند: “وەزارەتا بەرەڤانیێ ئیرۆ، د چارچۆڤەیا ئۆپەراسیۆنا بریارداری و ھێزا پەیوردارا ھەڤبەش، ھێزێن ئامەریکایێ یێن ل سووریێ، ل ھندەک خالێن دیار یێن سووریێ دێ بکە یەک و ئەو فەرمان ھاتیە دایین.”

پارنێل گۆت؛ ئەو تێ وێ واتەیێ کو ئەمەریکا وان ھەردو ھێزێن ئۆپەراسیۆنێ دکە یەک و ھەژمارا لەشکەرێن خوەیێن ل سووریێ کێم بکە و گۆت؛ “ڤێ پێڤاژۆیێ ب زانایی و ل گۆر مەرجان، د مەھێن پێش مە دە ئەمەریکا شۆپێن خوە یێن ل سووریێ دێ داخە بن ھەزار لەشکەران.”

نیو یۆرک تایمسێ دوھ 18/4/2025 راگەھاند، ئەمەریکا ل سووریێ ھەژمارا لەشکەرێن خوە ژ 2 ھەزار کەسان، 600 کەس پاشڤە ڤەکێشانە. ھەروەھا راگەھاند، پشتی 60 رۆژان دێ گۆتووبێژێ ل سەر وێ یەکێ بکە کا گەلۆ دێ وێ ھەژمارێ هێژ کێمتر بکە یان نا و رایەداران شیرەت کریە کو ھەری کێم 500 لەشکەرێن ئامەریکایێ ل سووریێ بمینن.