وەزیرێ کارێن دەرڤه یێ تركیه‌یێ راگهاند، چاوا داعش ژ پەرگالێ دەرکەت، په‌كه‌كه ژی وێ ژ پەرگالێ دەرکەڤە. ئان وێ ب داخوازا خوە د ناڤ ئاشتی و ئارامیێ دا دەرکەڤە، ئان ژی وێ ب ئاوایەکی دن دەرکەڤە”.
هاكان فیدان ل ده‌وحه یا پایتەختا قەتەرێ ب سەرۆکوەزیرێ قەتەرێ و وەزیرێ کارێن دەرڤا محەمەد بن عەبدورەحمان ئال سانی را جڤینەکە چاپەمەنیێ یا هەڤپار ل دار خست.
فیدان گۆت ترکیە تو هەولدانەکە کو ئارمانجا وێ خەراکرنا یەکتییا ئاخا سووریەیێ ئان ژی سەروەریا وێ قەبوول ناکە و ئانی زمان هەر هەولدانا وێ دەستوورێ بدە کو ژ دەرڤه‌یی دەستهلاتا ناڤەندی یا ل سووریەیێ کۆمێن دن چەکان هلگرن ژی نایێ قەبوولکرن.
فیدان وها ئاخڤی: “ئەم ل بەندێنە کو پەیمانا د ناڤبەرا یه‌په‌گێ و رێڤەبەریا سووریەیێ دا یا کو د مەهێن داوی دا هات ئیمزەکرن بکەڤە رەواجێ. هەساسیەتا مە یا دەربارێ ڤێ مژارێ دا ئەشکەرەیە”.
فیدان هەر وها گۆت تێ چاڤەرێکرن کو په‌كه‌كه د دەمەکە زووتر دا ب ئاوایەکی ئەرێنی بەرسڤا بانگا کو هاتیە کرن بدە، دەڤ ژ چەکان بەردە و ل بەر رەوشا نۆرمالا ل هەرێمێ نەبە ئاستەنگی.
فیدان ئانی زمان: “چاوا کو داعش ژ پەرگالێ دەرکەت، په‌كه‌كه ژی وێ ژ پەرگالێ دەرکەڤە. ئان وێ ب داخوازا خوە د ناڤ ئاشتی و ئارامیێ دا دەرکەڤە، ئان ژی وێ ب ئاوایەکی دن دەرکەڤە”.
