رێخستنا په‌كه‌كێ رۆژێن 28 و 29 نیسان ب درۆنان ئێریشی پێشمه‌رگه‌ی كر، د هه‌مان ده‌می دا ئاگربه‌ست دگه‌ل ئارتێشا تركیێ راگهاندیه.
رێڤه‌به‌رێ په‌كه‌كێ مسته‌فا قاراسوو دوهـ رۆژا چارشه‌می 30 نيسانا 2025ێ بۆ مالپه‌را پارتیا خوه مه‌دیا هابه‌رێ ئاخڤیه و گۆتیه كو: ئه‌نه‌كه‌س چه‌ته‌یه.
به‌ری وێ ژی و ل رۆژێن 28 و 29 نیسانا 2025ێ په‌كه‌كێ ژ چیایێ گاره‌ی ب رییا درۆنان ئێریشی هێزێن پیشمه‌رگه‌ی یێن ل ده‌ردوورا ئامێدیێ كر، 5 پێشمه‌رگه بریندار كرن.
دوهـ رۆژا چارشه‌میێ 29 30 نیسانا 2025ێ ژی په‌كه‌كه ب رووقایمی و بێشه‌رمانه به‌رپرسارتیا خوه ژ ڤان ئێریشان و بریندار كرنا 5 پێشمه‌رگه‌یان راگهاند.
ئێریشێن دژمنكاری یێن په‌كه‌كێ ل دژی هێزا پێشمه‌رگه‌یان ل ده‌مه‌كی دهێن كو د سه‌ر هێرشێن به‌رده‌وام یێن ده‌وله‌تا ترك را، لێ وڤێ رێخستنێ هه‌ر ئاگربه‌ستا ئێك لایه‌ن ل گه‌ل ئارتێشا تركیه‌یێ راگهاندیه.
په‌كه‌كێ ب ڤان هه‌ولێن خوه گاڤێن خوه یێن قرێژ و گه‌مار هه‌م ژ بۆ هلوه‌شاندنا وێ یه‌كرێزیا كو ل رۆژئاڤا كوردستانێ چێبووی و هه‌م ژی ژ بۆ دژایه‌تیا پێشمه‌رگه‌ی و هه‌رێما كوردستانێ ده‌رباسی قوناغه‌كه دی كرن.a
