تەڤی ڤەگەریانا تەناھیێ بۆ دەڤەرا سوێدایێ ل باشوورێ سووریەیێ، ل سنۆرێن گوندێن سوێدایێ شەرێن توند د ناڤبەرا کۆمێن چەکدار دە چێ بوونە.
تەڤی ڤەگەریانا تەناھیێ بۆ دەڤەرا سوێدایێ ل باشوورێ سووریەیێ، چەند چاڤکانیان راگەھاند کو، شەڤادی یەکشەمبێ، 4/5/2025 ل سنۆرێن گوندێن سەھلە و دارەیێ ل سوێدایێ شەرێن توند د ناڤبەرا کۆمێن چەکدار دە چێ بوون.
وان چاڤکانیان ئاماژە ژی دا کو، وان کۆمێن سوێدایێ ب گولەھاونان باژارکێ دارەیێ کریە ئارمانج. ئەشکەرە ژی کر کو، ب دۆشک و ھاونێن گران شەر د ناڤبەرا کۆمێن چەکدار دە ل گوندێن سوێدایێ چێ بوویە.
پارێزگەرێ سوێدایێ مستەفا بەکوور تەکەز ژی کر کو، لھەڤکرنەک د ناڤبەرا دەستھلاتا فەرمی و شێخێن درووزان دە ھاتیە کرن و ئیرۆ تێ بجھانین.
مستەفا بەکوور د داخویانیێن خوە دە ژ بۆ ئەلعەرەبیەیێ راگەھاند کو، پۆلیس و کارمەندێن بەرێ یێن ئەولەھیا ناڤخوە ل وێ پارێزگەھێ تەڤلی چ بنپێکرنەکێ نەبوونە و ژ پاراستنا ئەولەھیا دەڤەرێ بەرپرسیار دبن.
