بەردەڤکێ پارتیا عەدالەت و گەشەپێدانێ (ئاكه‌په) دبێژە کو تێ پایین کو پارتیا کارکەرێن کوردستانێ (په‌كه‌كه) د ناڤ چەند رۆژان دە چەکان دەینە و خوە هلوه‌شینه.
عۆمەر چەلیک پشتی جڤینا ناڤەندا رێڤەبەر و بریارێ یا ئاكه‌پێ کو رۆژا دوشەمێ ئێڤارێ ل ئەنقەرێ ب سەرۆکاتیا رەجەپ تاییپ ئەردۆگان پێک هات، ب رۆژنامەڤانان رە ئاخڤی.
چەلیک گۆت، “ئەم ل بەندێنە کو پێڤاژۆیا هلوەشاندنا رێخستنا تەرۆریست و دانینا چەکان د ناڤ چەند رۆژان دە ده‌ست پێ بكه”.
بەردەڤکێ ئاكه‌پێ گۆت کو پشتی هلوەشاندن و بێچەککرنا په‌كه‌كێ، دێ قۆناغێن دن یێن پێڤاژۆیێ دەست پێ بکن.
چەلیک بەهسا خورتکرنا ئەنیا ناڤخوەیی یا ترکیەیێ کر و گۆت کو هێزێن ئەمپەریالیست رەوشێ مانیپولە دکن دا کو پرۆژەیێن خوە ل هەرێمێ بجیهـ بینن، لێ ترکیە ب ئارمانجا “ترکیەیەک بێ تەرۆر” هەولێن وان تێک دبە.
چەلیک دەستنیشان کر کو ئارمانجا “ترکیەیەک بێ تەرۆر” سیاسەتا کۆمارا ترکیەیێ یە.
