نڤیسکارێ رۆژنامەیا ساباح یا ترکیێ ئۆکان مودەڕسۆگلو دبێژە کو؛ پشتی پەکەکێ ل دارخستنا کۆنگرەیا خوە راگھاندی و بریارا دیرۆکی دای، “رێخستنا تەرۆریست، ب تایبەتی ل باکورێ ئیراقێ، دێ چەک و مەخزەنێن خوە یێن ژیانێ یەک ب یەک نیشان بدە و د ناڤ چەند مەھان دە چەکێن خوە ل جھێن دیارکری رادەستی ترکیەیێ بکە.”
” کۆنگرەیا رێخستنا تەرۆرێ پەکەکێ د چارچۆڤەیا پێڤاژۆیا دەستپێشخەرییا نوو دە کو، حکوومەتێ ناڤێ = ‘ترکیەیا بێ تەرۆر’ لێ کریە و ئەندازیارێ وێ سەرۆکێ پارتیا تەڤگەرا نەتەوەپەرەست (مەھەپێ) دەولەت باخچەلیە، پێک ھات. دەما وێ ھاتبوو کو رێخستنا تەرۆریست بریارا خوە یا ھلوەشاندن و چەکبەردانێ راگھینە.”
ئۆکان مودەڕسۆگلو، یەک ژ نڤیسکارێن رۆژنامەیا ساباحێ، د نڤیسا خوەیا ئیرۆ دە پێشکەتنێن دبە و پێڤاژۆیا نوو دەستپێکری دنرخینە.
نڤیسکار د گۆتارا خوەیا ب سەرناڤێ “کۆمخەبات” دە وھا نڤیساندیە:
“دەما کو رێخستنا تەرۆریست وەرە ژ ھۆلێ راکرن، دەری دێ ژ بۆ کەسێن کو ل ترکیەیێ چ چالاکیەک نەکرنە ڤەبە کو بکەڤن وەلات، و ل گۆری زەلالکرنا ستاتوویا خوە یا یاسایی دێ دەرفەت ب وان هێت دایین کو تەڤلی ژیانێ ببن. بەرپرسێن تەرۆرێ یێن ل قەندیلێ دێ یان ل ئیراقێ بمینن یان ژی بچن وەلاتێن سێیەمین یێن کو پەیمانەک لگەل ھاتیە چێکرن. رێیێن سیاسی دێ ژ بۆی کەسێن کو ل بەر دادگەهێ حەساب دانە ڤەبن، رێیا سیاسەتکرنێ دێ خزمەتا جوداکاریێ نەکە، و دلسۆزیا لگەل دەولەتا کەڤنار دێ گرینگ بە.”
وسا دخویە… سەرۆکێ رێخستنێ ل ئیمرالیێ هەست ب ئێمناهیێ دکە و نھا ناخوازە گراڤێ بتەرکینە. د ڤێ رەوشێ دە، تەڤی رەوشا مەحکووم، ئاڤاکرنا ھاویردۆرەک خەباتا فیزیکی و دەرفەتێن راگھاندنێ ل سەر گراڤێ و نەرمبوونا چارچۆڤە و ھەژمارا مێڤانان دبە کو سەربەستیەک پێکوەرە.”
