نڤیسینگەھا سەرۆکوەزیرێ ئیسرایلێ بەنیامین نەتانیاھو رادگەھینە کو، ئەو رێیێ ددن ئالیکاریێن مرۆڤی بگەهن کەرتێ غەززەیێ. ئاژانسا Axios یا ئامەریکایی ژی پارڤە کریە، ئەنجوومەنا وەزاری یا ئەولەھیێ یا ئیسرایلێ بریار ل سەر گەھاندنا ئالیکاریێن مرۆڤی ژ بۆ کەرتێ غەززەیێ دایە.
ئاژانسا Axios یا ئامەریکایی دوھی یەکشەمبێ 18/5/2025، راگھاند کو، ئەنجوومەنا ئەولەھیێ یا ئیسرایلێ بریار دایە ئالیکاری ب رێیێن کانال و دەریێن کو نھا ھەنە ژ بۆ کەرتێ غەزەیێ بێن ڤەگوھاستن، ھەتا کو مەکانیزمەکا نوو ژ بۆ وێ پێڤاژۆیێ ڤەدبینن.
نڤیسینگەھا نەتانیاھو ھەروەسا گۆتیە کو، ئیسرایل رێیێ ددە ھندەک خوارنێن بنگەھین بگھیژن کەرتێ غەززەیێ، د هەمان دەمێ دە حەماسێ رەد کریە کو چ لھەڤکرنەک ژ بۆ بەردانا گرتی و رەھینەیان ھاتبە کرن، تەکەز ژی کر کو ئەو پابەندی ئاگربەستەکا ھەردەمی نە.
سەرۆکوەزیرێ ئیسرایلێ بەنیامین نەتانیاھو ھەر دوھی یەکشەمبێ، گۆت، “چاوا کو ئەم ل بەرانبەری حزبولاھ و ئەسەد ب سەر کەفتین، ب وی رەنگی ئەم دێ ل بەرانبەری حەماسێ ژی ب سەر بکەڤن.”
