یەکیتیا ئەورۆپا رادگەهینە کو ئەو ژ بۆ ئاڤاکرنا سووریایه‌كا نوو ئالیکاریا گەلێ سووریێ دکن. ئەشکەرە ژی دکە کو، وان جەزایێن ئابۆری یێن ل سەر سووریێ راکرنە.
یەکیتییا ئەورۆپایێ دوهـ سێشەمیێ، 20ێ گولانا 2025ێ راگهاند کو، د 14 سالێن بۆری دە ئالیکارێن گەلێ سووریێ بوون و ل سەر وێ ئالیکاریێ بەردەوام ژی دبن. هەروەسا گۆت، «ئەم ژ بۆ سووریایه‌کە نوو ئالیکاریا وان دکن».
هەر زوو پشتی بریارا یەکیتیا ئەورۆپا، وەزیرێ دەرڤەیێ سووریێ بەرسڤا بریارا یەکیتیا ئەورۆپا یا ژ بۆ راکرنا جەزایێن ئابۆری یێن ل سەر سووریێ دا و گۆت، «بریارا یەکیتیا ئەورۆپا یا ژ بۆ راکرنا جەزایان دێ ئەولەهی و تەناهیێ ل سووریەیێ پێش بخە».
وەزیرێ دەرڤەیێ سووریێ ئه‌سعه‌د شەیبانی هەروەسا ژ بەر راکرنا جەزایێن ئابۆری یێن ل سەر سووریێ سپاسیا یەکیتیا ئەورۆپا کر. شەیبانی ئاماژە ژی دا، “راکرنا جەزایێن ئابۆرییێن یەکیتیا ئەورۆپا ژ بۆ سووریێ دەرفەتەکە دیرۆکی یا نوویە”.
