کۆما ترکیە و ئامەریکایێ یا کارووبارێن سووریەیێ تەکەزێ ل سەر نەرینەکا ھەڤپار ژ بۆ سووریەیەکا ئارام و ھەڤگرتی و ھەروەسا ئاشتیێ ژ بۆ جیرانێن سووریەیێ دکن.
وەزارەتا دەرڤەیا ئامەریکایێ ئیرۆ چارشەمبێ، 21ێ گولانا 2025ێ، د راگھاندنەکێ دە ئەشکەرە کر، “ل سەر بنگەھا ھەڤفێمکرنا سەرۆکێ ئامەریکایێ دۆنالد ترامپ و سەرۆککۆمارێ ترکیێ رەجەب تەییب ئەردۆگان، ئامەریکا و ترکیەیێ پابەندبوونا خوە ژ بۆ زێدەکرنا ئالیکاری و ھەڤاھەنگیێن ناڤبەرا خوە ژ بۆ ئارامی و ئەولەھیا سووریەیێ تەکەز کر.”
د وێ راگەھاندنێ دە ھەروەسا ھات گۆتن، “ئامەریکایێ ل واشنتۆنێ مێڤانداریا گەرەکا دن یا جڤینێن کۆما ئامەریکا و ترکیەیێ یا کارووبارێن سووریەیێ کر، کو جیگرێ وەزیرێ دەرڤە یێ ئامەریکایێ کریستۆفەر لانداو و جیگرێ وەزیرێ دەرڤەیێ ترکیەیێ نۆح یلماز سەرپەرشتیا وێ جڤینێ کر.
ھەر د چارچۆڤەیا وێ ھەڤدیتنێ دە، بەحسا راکرنا سزایێن ل سەر سووریەیێ و رووبرووبوونا تەرۆرێ ژی ھات کرن.
ترکیێ و ئامەریکایێ تەکەز ل سەر نەرینەکا ھەڤپار ژ بۆ سووریەیەکا ئارام و ڤەگەرا ب میلیۆنان خەلکێ سوورییەیێ ژ بۆ وەلاتێ وان ژی کر. ھەروەسا تەکەز ل سەر رێگرتنا ل پارچەبوونا سووریەیێ ژی گرت.
