وەزیرێ دارایی یێ ترکیێ مەهمەت شیمشەک ل سەر لێچوونا شەرێ چەکدارییێ ب دەهان سالان یێ ب پارتیا کارکەرێن کوردستانێ (په‌كه‌كێ) رە ئاخڤی و راڤە کر کو قەزەنجێن ژ بداویکرنا شەر پشتی کو کۆمێ هلوەشاندنا خوە راگهاندی “وێ پر مەزن بن”.
شیمشەک د ئاخافتنا خوە دە ل کێلەکا بەشداربوونا خوە یا د فۆروما ئابۆری یا قەتەرێ دە رۆژا سێشەمییا رابووری 20 گولانا 2025ێ گۆت کو ترکیێ “د پێنجی سالان دە نێزیکی 1.8 تریلیۆن دۆلار د شەرێ ل دژی تەرۆرێ دە وندا کریە”، ل گۆری بلۆئۆمبێرگێ.
دەربارێ هلوەشاندنا په‌كه‌كێ دە، وەزیرێ ترک زێدە کر کو “پێشکەفتنا داوی دێ د وارێ ئاراستەکرنا چاڤکانیان بەر ب دەڤەرێن بەرهەمدارتر و پێشکەفتیتر دە قەزەنجەک مەزن بە”.
