بەرپرسەکە رێڤەبەریا خوەسەر رادگەهینە، «رژدبوونا شامێ ل سەر ئاوایێ دەستهلاتداریا ناڤەندی، سووریەیێ بەر ب شەرەکی ناڤخوەیی ڤە دبە».
هەڤسەرۆکا کۆمیتەیا تێکلیێن دەرڤە یا رێڤەبەریا خوەسەر ئیلهام ئه‌حمه‌د تەڤلی کۆنفەرانسا یەونانیستانێ بوو، کو ب ناڤێ دۆزا کوردان و پێشهاتێن وێ ل رۆژهلاتا ناڤین هات لدارخستن.
ئیلهام ئه‌حمه‌د د وێ کۆنفەرانسێ دە راگەهاند، «دبە کو سووریە رووبروویی کریزەکە مەزنتر ببە؛ رایەدارێن سووریەیێ ب ئاوایەکی یەکئالی بریاران ددن و ب گەل رە هەڤاهەنگیێ ناکن و ئیرادەیا گەل پاشگوهـ خستیە».
هەروەسا راگەهاند، ئەگەر حکوومەتا سووریەیێ ل سەر ئاوایێ دەستهلاتداریا ناڤەندی رژد بە، وەلات دێ رووبروویی شەرەکی ناڤخوەیی یێ مەزن ببە، هەروەسا گۆت: «دڤێ سیستەمەکە دەمۆکراتیکا بەرفرەهـ هەبە و هەمی پێکهاتەیان بینە جەم هەڤ».
پێشتر سەرۆککۆمارێ سووریەیێ ئه‌حمه‌د شەرع ژی ل رۆژا چارشەمێ 14ێ گولانا 2025ێ راگەهاندبوو، یەکرێزی و قوربانیدانا سوورییان باندۆر ل سەر رایا جیهانێ کریە.
ئه‌حمه‌د شارع هەروەسا گۆت: «ئەم دێ نەهێلن کو سووریە پارچە ببە و سووریە ئێدی نابە مەیدانەک ژ بۆ پارڤەکرنا دەستهلاتداریێ».
ئاماژە ژی دا، ئەم دێ نەهێلن کو ڤەگۆتنێن رەژیما بەرێ بێن ڤەژاندن، سووریە ژ بۆ هەمی سوورییانە.
