بریارا گرتنا 47 کەسێن شارەدارییا ستەنبۆلێ ھات دایین

ل دژی شارەداریا ستەنبۆلێ یا د دەستێ جەهەپێ دە پێلا پێنجەمین یا ئۆپەراسیۆنێ دەست پێ کر، بریارا گرتنا 47 کەسان ھات دایین و د ناڤ دە شارەدار ژی ھەنە.

لێپرسین ژ ئالیێ سەردۆزگەریا کۆمارێ یا ستەنبۆلێ ڤە ب تۆھمەتێن “گەندەلی” و “ئالیکاریا رێخستنێ” ل دژی شارەداریا باژارێ مەزن یا ستەنبۆلێ و ھندەک شارەداریێن دن ھاتبوو دەستپێکرن، پێلا پێنجەمین یا ئۆپەراسیۆنێ دەستپێکرن.

د 4 لێپرسینێن جودا دە ژ بۆ 47 کەسێن د ناڤ وان دە شارەدارێ بوویووکچەکمەجە حەسەن ئاکگوون، شارەدارێ گازیۆسمانپاشایێ ھاکان باخچەتەپە، شارەدارێ ئاڤجلارێ ئوتکو جانەر چایکارا، شارەدارێ جەیھانێ یێ ئەدەنەیێ کادیر ئایدار و شارەدارا سەیھانێ یێ ئەدەنەیێ ئۆیا تەکین بریارا بنچاڤکرنێ ھات دایین.

د ناڤا کەسێن بریارا بنچاڤکرنا وان ھاتنە دایین دە، پارلامەنتەرێ بەرێ یێ جەهەپێ ئایکوت ئەردۆگدو ژی ھەیە. 

ئەڤ ئۆپەراسیۆن د دەمەکێ دە تێ کو بەریا نھا، شارەدارێ باژارێ مەزنێ ستەنبۆلێ ئەکرەم ئیمامۆغلو رۆژا 19 ئادارێ ب ھەمان تۆھمەتان ھاتبوو بنچاڤکرن. پشترە، رۆژا 23 ئادارێ، 10ەمین دادگەھا سزایێن گران یا چاگلایانێ سزایێ گرتیگەھێ ل ئیمامۆغلو بریبوو.