پشتی بداویبوونا دەما ئەرکێ سەرۆکێ پارلامەنتۆیا ترکیەیێ نومان کورتولموش ئیرۆ ژ بۆ سەرۆکێ نوو هلبژارتن تێ کرن.
دەما ئەرکێ سەرۆکێ پارلامەنتۆیا ترکیەیێ نومان کورتولموش 7ێ هەزیرانێ ب داوی دبە و ئیرۆ هلبژارتنا سەرۆکێ نوو تێ کرن.
هەڤپەیمانیا جومهور جارەکە دن کورتولموش وەکی نامزەد دەستنیشان کر، هەر وها جه‌هه‌پێ، دەم پارتی و ئییی پارتی ژی ب نامزەدێن خوە بەشداری هلبژارتنێ دبن.
هەفتەیا بۆری دەم پارتیێ راگهاندبوو کو نامزەدێ وان پارلامەنتەرێ ئامەدێ جەنگیز چاندارە.
ل ئالیێ دن نامزەدێ جه‌هه‌پێ پارلامەنتەرێ ئارتڤینێ ئوگور بایراکتوتان، یێ پارتیا یەن یۆلێ پارلامەنتەرێ سامسونێ مەهمەت کارامان و یێ ئییی پارتیێ ژی پارلامەنتەرێ ستەنبۆلێ موستافا جهان پاچاجیە.
ب گشتی 5 نامزەد دێ ژ بۆ سەرۆکاتیا پارتلامەنتۆیا ترکیەیێ هەڤرکیێ بکن.
گەرا یەکەما هلبژارتنا سەرۆکێ پارلمانتۆیێ ئیرۆ ب دەنگدانا نەهێنی تێ کرن.
د گەرا یەکەم و دویەمین دە نامزەد دڤێ 400 دەنگان و د گەرا سێیەمین دە ژی دڤێ 301 دەنگان ب دەست بخە.
ئەگەر د گەرا سێیەمین دە نامزەدەک 301 دەنگان ب دەست نەخە دێ د ناڤبەرا 2 بەربژێرێن کو هەری زێدە دەنگ ب دەست خستنە دە هلبژارتن بەردەوام بکە.
هەر وها د گەرا چارەمین دە بەربژێرێ هەری زێدە دەنگ ب دەست بخە دێ ببە سەرۆکێ پارلامەنتۆیێ.
