به‌رده‌ڤكێ ئاكه‌پێ راگهاند، ئه‌و ل به‌ندێنه د مه‌هێن پێش مه ده په‌كه‌كه و باسكێن وێ یێن ل سووریێ و ئیرانێ ژی چه‌كێن خوه ده‌ینه و دبن میکانزما کو ژ هێلا ترکیەیێ ڤە هاتی دەستنیشانکرن.
عومه‌ر چه‌لیك دوهـ رۆژا چارشه‌میێ 4 هه‌زیرانا 2025ێ پشتی جڤینا ئەنجومەنا سەرۆکاتیا ئاكه‌پێ ب مەدیایێ رە ئاخڤی و گۆت: دڤێ ئەڤ مژارا دانینا چەکان و خوە-هلوەشاندنا په‌كه‌كێ تەنێ د چارچۆڤەیا گۆتنان دە نەمینە.
هه‌روه‌ها ده‌ستنیشان كر، ل مەهێن پێش مه، ئەمێ د بجهکرن و رادەستکرنا چەکان دە پێشڤەچوونەک بەربچاڤ ببینن.
به‌رده‌ڤكێ ئاكه‌پێ دبێژه: پێڤاژۆیا دانینا چه‌كان دێ د بن چاڤدێریا میتێ و ئارتێشێ دا به.
هه‌روه‌ها ئاشكه‌ره كر، په‌كه‌كه و باسكێن وێ یێن ل سووریه هه‌سه‌دێ و ل ئیرانێ پژاك دێ چه‌كان ده‌ینه.
ده‌ربارێ هه‌سه‌دێ چەلیک گۆت: دڤێ ئەڤ هه‌سه‌ده وەرە هلوەشاندن، ئەندامێن په‌كه‌كێ دڤێ ژ سووریه‌یێ دەرکەڤن و یێن مایی ژی دڤێ ب ئارتێشا سووریەیێ رە وەرن یەک کرن”.
