سەرۆکێ ئیرانێ مەسعوود پزیشکیان راگهاند، وەلاتێ وی هەول نادە چەکێ ئه‌تۆمی چێبکە ئان ژی بدەست بخە و تەکەز کر کو ئەوێ هەولدانێن دژمنان تێک ببن.
مەسعوود پزیشکیان دوهـ 11ێ هەزیرانێ د داخویانیەکێ دە گۆت: “دژمنێن ئیرانێ ئارمانج دکن کو ل ناڤخوەیا وەلاتێ مە فتنە، ئالۆزی و دوبەریێ دەرخینن”.
ئاماژە ب وێ یەکێ ژی کر، “دژمنێن مە دخوازن ئەم دەست ژ شیانێن خوە بەردن، دا کو رێ ژ ئیسرائیلێ رە خوەش بکن کو مە بۆمبەباران بکە”.
د داویا ئاخافتنا خوە دە، سەرۆکێ ئیرانێ جارەکە دن تەکەز کر، وەلاتێ وی نە ل پەی چێکرن ئان ژی بدەستخستنا چەکێ ئه‌تۆمییە و سۆز دا کو ئەوێ “هەولدانێن دژمنێن تەهرانێ تێک ببن”.
