ل گۆری پسپۆرێ لەشکەری، بالافرێن شەر یێن F18 و F35 نکارن ڤێ بۆمبەیێ، کو ژ 12 تۆنان گرانترە، هلگرن، و دەستنیشان کر کو تەنێ بالافرێن ستراتەژیک یێن ئامەریکی دکارن وێ هلگرن.
ئیسرائیلێ سبەها ئیرۆ رۆژا ئینێ ئێریشێن بەرفرەهـ ل سەر ئیرانێ دان دەستپێکرن، و ئیدیعا کر کو وان سازیێن ئهتۆمی یێن ئیرانێ، کارگەهێن مووشەکێن بالیستیک، پەرگالێن پاراستنێ یێن ئیرانێ و سەرکردەیێن لەشکەری یێن ناڤدار هەدەف گرتنە، و تەکەز کر کو ئەڤ “دەستپێکا پێڤاژۆیەک درێژە ژ بۆ پێشیگرتنا ل پێشخستنا چەكا ئهتۆمی یا تەهرانێ یه”.
ئاژانسا ئەنەرژیا ئهتۆمی یا ناڤنەتەوەیی، ژ ئالیێ خوە ڤە، گۆت کو رایەدارێن ئیرانێ ئهو ئاگاهدار کرنە کو ریاکتۆرا ئهتۆمی یا بوشەهرێ نەهاتیە هەدەفگرتن، و دەستنیشان کر کو سازیا ئهتۆمی یا فۆردۆوا ژی “هەتا نها ژ ئێریشێن ئیسرائیلێ باندۆر نەبوویە”.
