بالیۆزخانەیا ئیسرایلێ ل سوێدێ راگھاند کو، ئیسرایلێ ژ بەر دەستپێکرنا ئێریشێن خوەیێن ل سەر ئیرانێ، هەموو بالیۆزخانەیێن خوە ل وەلاتان داخستن.
بالیۆزخانەیا ئیسرایلێ ل سوێدێ ئیرۆ ئینی، 13ێ خزیرانا 2025ێ، ئەشکەرە کر کو، ئیسرائیل ژ بەر وی شەرێ کو ئیرۆ ل دژی ئیرانێ دەست پێ کری و نە دیارە کەنگی دێ ب داوی هێت ژی، هەموو بالیۆزخانەیێن خوە ل وەلاتان داخستن.
پشتی دەستپێکرنا ئێریشێن ئیسرایلێ یێن ل سەر ئیرانێ، سەرۆکێ ئامەریکایێ دۆنالد ترومپ د داخویانیا خوەیا یەکێ دە گۆت، “ئەو ئێریش پر باش بوون، ئێریشێن دن ژی دێ ھەبن.”
چاڤکانیەکە ئیسرائیلی ژی ئەشکەرە کر کو، ئیسرائیل بزاڤێ دکە ئامەریکایێ رازی بکە کو تەڤلی ئێریشێن وێ یێن ل سەر ئیرانێ ببە.
ئەنجوومەنا ئەولەھیا نەتەوەیی یا ئیسرائیلێ ژی داخواز ژ وەلاتیێن ئیسرایلێ ل تەڤایا جیھانێ کر کو، ناسنامەیا خوە ئەشکەرە نەکن.
