فه‌رماندارێن فه‌یله‌قا قودسێ یێ ئیرانێ د ئێریشێن ئیرۆ یێن ئیسرائیلێ ده ل سه‌ر ئیرانێ هاته كوشتن، كوشتنا قائانی هه‌موه‌ختا كوشتنا هه‌ژماره‌كه گه‌نه‌رالێن دن یین كۆمارا ئیسلامییا ئیرانێ تێ.
سكاینیوز ژ نیۆیۆرك تایمزا ئامه‌ریكێ ئیرۆ رۆژا ئینی 13 هه‌زیرانا 2025ێ ڤه‌گوهه‌ستیه كو ئیسماعیل قائانی فه‌رمانداری سپایێ قودسێ یێ ئیرانێ، د ئێریشێن ئیسرائیلێ ده ژیانا خوه ژ ده‌ست دا یه.
هات راگهاندن د ئێریشێن ئیرۆ یێن ئیسرائیلێ ده، هه‌ر یێك ژ فەرماندارێ سپایێ پاسداران حوسەیین سەلامی، گەنەرالێ ئیرانی محەمەد باقری، سەرۆکێ زانینگەها ئازادی یا ئیسلامی محەمەد تەهرانچی و زانایێ ئه‌تۆمی فەرەیدوون عەباسی د ئێریشێن ئیسرائیلێ دە هاتنە کوشتن.
هه‌روه‌ها گه‌نه‌رالێ هێزێن هه‌وایی یێن سپایێ پاسداران ئه‌میر عه‌لی حاجیزاده ژی د ئێریشان ده هاته كوشتن.
د هەمان دەمێ دە رۆیته‌رزێ راگهاند کو شێورمەندێ رێبەرێ بلند عەلی خامەنەیی عەلی شەمخانی ئیرۆ سەرێ سبێ د ئێریشێن ئیسرائیلێ دە ب گرانی بریندار بوویە.
