ئیسرایلێ د دەمەکێ دە ئێریشی ئیرانێ کر و دربەیەکی مەزن لێ دا، کو ھەموو نیشان ھەبوون پێشڤەچوونەک وسا چێنابە و ئەو ب خوە ژی پلانا ئیسرایلێ بوو و ئیران مژوول کر و خوە وەکی تشتەکی دن نیشان دا، لێ ل پشت پەردێ ڤە پلان کر و پلانا خوە پێک ئانی.
د ڤێ ناڤبەرێ دە، دانوستاندنێن چەکێن نوکلەری یێن د ناڤبەرا ئامەریکا و ئیرانێ دە بەردەوام کرن، ئامەریکایێ ژی بانگەشەیا بەندەواری و ئارامیێ دکر، د ھەمان دەمێ دە ئیسرایل ل ناڤخوە مژوولێ ھلوەشاندنا پارلەمەنتۆ و قانوونا لەشکەری یا ناچاری بوو. یا ھەری گرینگ، ئەندازیارێ ئێریشێ د بێهنڤەدانێ دە بوو، جیگرێ سەرۆکوەزیرێ ئیسرایلێ ژ رۆژنامەڤانان رە گۆت کو نەتانیاھو ل جەلیلێ د بێهنڤەدانا مالباتی دەیە، بەشداری داوەتا کورێ خوە ل باکورێ وەلات دبە.
جڤینەک داوی یا حکوومەتا ئیسرایلێ ژی ل سەر چاوانیا بەردانا رەھینێن ئیسرایلی یێن کو ژ ھێلا حەماسێ ڤە ھاتنە گرتن سەکنی. وەزیرێ کارووبارێن ستراتەژیک یێ ئیسرایلێ رۆن دەمەر دێ سەردانا دەولەتێن یەکبوویی بکە دا کو لگەل بالیۆزێ دەولەتێن یەکبوویی ستیڤ وەتکۆڤ بجڤە.
گەرا شەشەمینا دانووستاندنێن د ناڤبەرا دەولەتێن یەکبوویی و ئیرانێ دە ل سەر بەرنامەیا ئەتۆمی یا ئیرانێ ژی د رێ دە بوو.
ژ بەر ڤێ یەکێ، ئەڤ ھەموو خال نیشان بوون کو دێ ت گوھەرتن، بوویەر ئان ئێریشێن لەشکەری چێنەبن.
لێ ل پشت پەردێ، وەزیرێن ئیسرایلی لگەل سەرۆکوەزیری د جڤینێ دە بوون و بریارا ئێریشێ دان و رازی بوون کو مژارا ئێریشێ ڤەشارتی بمینە.
ژ بلی چەند رایەداران، یێن دن پلان و ھوورگولیێن ل سەر ئێریشێ نەدزانین.
ب ڤی ئاوایی، ئیسرایلێ ئیران خاپاند و دەربە لێ دا.
ئەڤ نە جارا یەکەمە کو ئیسرائیل ب ڤی رەنگی خاپاندنێ چێدکە. ھەروەھا د پلانا کوشتنا حەسەن نەسروللاھ دە ژی ئەو پلان پێک ئانی. نەتەنیاھو ل نیو یۆرکێ بوو، لێ وی بریار ل وێ دەرێ پەژراند کو پلان بهێت جێبەجێکرن. ھەفتەیەک بەرێ، نوونەرەکی ئامەریکی چوو لوبنانێ دا کو ژ بۆ چارەسەرکرنا ناکۆکیان رێیا دیالۆگێ نیشان بدە، لێ د وێ دەمێ دە ئیسرایلێ د ئێریشەکێ دە حەسەن نەسروللاھ کوشت.
