سەرۆکۆمارێ ترکیەیێ رەجەب تەییب ئەردۆگان دەربارێ ئێریشا ئیسرایلێ یا ل سەر ئیرانێ دە کارڤەدان نیشان دا و گۆت، “ئێریشێن ئیسرایلێ جارەکا دن ئەشکەرە کر کو ئەو وەلات، ب ئاوایەکی بێ بەرپرسیاری گەفێ ل ئەولەھیا ھەرێمێ و جیھانێ دکە.”
سەرۆکۆمارێ ترکیەیێ رەجەب تەییب ئەردۆگان ئیرۆ 14ێ خزیرانێ راگھاند، کو ناکۆکیێن ئەتۆمی دڤێت تەنێ ب رێیا دیالۆگێ بهێن چارەسەرکرن، نە ب شەری.
ئەردۆگان ھەروھا تەکەز کر، ئارمانجا ئێریشا ئیسرایلێ یا ل سەر ئیرانێ، تێکدانا ھەولێن ئاشتیێ یە، د دەمەکێ دە کو دانوستاندنێن د ناڤبەرا ئیران و ئامەریکایێ دە ل سەر پرۆگراما ئەتۆمی یا تەھرانێ بەردەوام دکن.
ئەڤ داخویانیێن ئەردۆگان د دەمەکێ دە تێن، بەردەڤکێ وەزارەتا دەرڤەیا ئیرانێ ئیسماعیل بەقایی راگھاندبوو، گەشەدانێن داوی یێن ناکۆکیان، ب تەمامی باندۆر ل سەر ڤەکشینا وان ژ دانووستاندنێن لگەل ئامەریکایێ کریە.
بەقایی ھەروھا ئاماژە ب وێ یەکێ کربوو کو ئامەریکایێ ب کریارێن خوە دانوستاندن بێقیمەت کرنە و گۆتبوو: “نابە کو تو خوە وسا نیشان بدی کو ئاشتیێ دخوازی، لێ د ھەمان دەمێ دە ئالیکاریا دژمنی ژی بکی.”
