حووسیان ب مووشەکێن بالیستیک ئێریشی ئیسرایلێ کر

حووسیێن یەمەنێ دبێژن کو وان ب ھەماھەنگیا ل گەل ئیرانێ مووشەکێن بالیستیک ئاڤێتنە ئیسرایلێ.

ئیرۆ 15/6/2025ێ ئاژانسا رویتەرسێ ب زمانێ رایەدارێن حووسیێن یەمەنێ بەلاڤ کر کو ب مووشەکێن بالیستیک باژارێ یافا یێ ناڤەندا ئیسرایلێ کرنە ئارمانج.

ل گۆری ئاگاھیان، ئێریشا حووسیان لگەل تەھرانێ د ناڤ ھەماھەنگیێ دە بوویە و ئێریشێن مووشەکی د دەمەکێ دە پێکتێن کو شەرێ د ناڤبەرا ئیسرایل و ئیرانێ دە ھەر کو دچە گەرمتر دبە.

ھەتا نھا نەھاتیە زانین کا ئەنجام و زرارێن وێ ئێریشا حووسیان چبوویە، لێ حووسی دبێژن کو ئەو ژ بۆ پشتگریا خەلکێ غەززەیێ ئێریش دکن.