ئارتێشا پاسداران یا ئیرانێ راگهاند، وان ئێریشەکە مووشەکی یا “هوور” بریە سەر ناڤەندەکە مۆسادێ یا ل تەل ئه‌ڤیڤێ و د ئەنجامێ دە ئاگر ب بارەگەهێ کەتیە، مۆسادێ ژی گۆت كو باره‌گه‌هـ ڤالا بوو!!
ئارتێشا پاسداران یا ئیرانێ ئیرۆ 17ێ هەزیرانێ د داخویانیەکێ دە بەلاڤ کر: “هێزا ئاسمانی یا ئارتێشا پاسداران، ئیرۆ سەرێ سبەهێ ئێریشەکە هوور و بباندۆر بریە سەر ناڤەندا ئیستخباراتا لەشکەری یا ئارتێشا ئیسرائیلێ کو وەک ‘Aman’ تێ ناسکرن، هەروها ل ناڤەندا پلانسازی و تەرۆرێ یا گرێدایی مۆسادێ یا ل تەل ئاڤیڤێ خستیە.”
د داخویانیێ دە هات گۆتن: “تەڤی سیستەما بەرەڤانیا ئاسمانی یا پر پێشکەتی یا ئیسرائیلێ، ئێریشا مە ل ئارمانجێن خوە خست و د ئەنجامێ دە ئاگر ب وان جهان کەت. ئەڤ یەک دەربەیەکە ستراتەژیک بوو کو مە ل دەزگەها ئیستخباراتا ئیسرائیلێ دا.”
سوپایا پاسداران هەروها دا زانین: “ئەڤ پێنگاڤ، د چارچۆڤەیا بەرسڤدایینەکە ببریارا ژ بۆ ئێریشان دەیە. ئەمێ د گرتنا تەدبیرێن پێویست دە ژ بۆ مسۆگەرکرنا ئەولەهیا وەلاتیێن خوە بەردەوام بن.”
د به‌رسڤا ئارتێشا پاسداران ده، مۆساد راگهاند كو ئیراند ئیدیعا دكه كو وێ ل باره‌گه‌ها مۆسادێ یا ل ته‌لئه‌ڤیڤێ خستیه، لێبه‌لێ ئه‌م دبێژن: باره‌گه‌هـ ڤالا بوو و ت كه‌س ل ور نه‌بوو ژ به‌ر كو هه‌موو نها ل ئیرانێ نه.!
