ئاژانسا تەسنیمێ یا نووچەیان یا ئیرانی راگھاند کو، ھێزێن ئەولەھیێ یێن ئیرانێ سیخورەکی مۆسادێ گرتیە کو ل ناڤ ئیرانێ تەقەمەنی چێ دکرن.
ئاژانسا تەسنیمێ یا نووچەیان ئیرۆ سێشەمبێ، 17ێ خزیرانا 2025ێ راگھاند، “ھێزێن ئەولەھیێ یێن ئیرانێ سیخورەکی مۆسادێ یێ ئیسرایلی گرتیە کو ل ناڤ ئیرانێ ب ئاوایەکی چالاک تەقەمەنی چێ کرنە.”
ئاژانسا ناڤبری ئاماژە ژی دا کو، ھێزێن ئەولەھیێ د چارچۆڤەیا ئۆپەراسیۆنەکا بەرفرەھ یا ئەولەھیێ دە جھەکێ چێکرنا درۆن و تەقەمەنیان ل پارێزگەھا ئەسفەھانێ کەشف کریە.
پێشتر ژی ھێزێن ئەولەھیێ ل باژارێ ‘رەیعیێ جھەکی سێقاتی یێ ڤەشارتی ئەشکەرە کربوو کو زێدەتری 200 کیلۆگرامێن تەقەمەنیان تێ دە ھەبوون، تەڤی گەلەک درۆنێن خوەکوژ و ماددەیێن چێکرنا وان درۆنان.
ئیسرایلێ ل سەرێ سبەھا رۆژا ئینێ 13ێ خزیرانا 2025ێ، ب زێدەتری 200 بالافرێن شەری ب دەھان جھێن لەشکەری و بنگەھێن ئەتۆمی ل تەھرانێ و چەند دەڤەرێن دن یێن ئیرانێ بۆمبەباران کرن. ھەروەسا ھەژمارەکا بەرپرسێن لەشکەری یێن پایەبلند و زانایێن ئەتۆمی کوشتن.
