حکوومەتا ئیراقێ چەند کامیۆنێن تژی پێدڤیێن پزیشکی شاندنە ئیرانێ

حکوومەتا فەدەرال یا ئیراقێ چەند کامیۆنێن تژی دەرمان و پێدڤیێن پزیشکی یێن بلەز ب رێیا پارێزگەھا بەسرایێ شاندن ئیرانێ.

چاپەمەنیا ئیراقێ راگھاند کو ئالیکاری رۆژا پێنجشەمێ ئێڤارێ ل سەر راسپاردەیا سەرۆکوەزیر محەمەد شیاع سوودانی و ب ھەڤاھەنگیا د ناڤبەرا دەزگەھا تەندورستیێ یا بەسرایێ و حکوومەتا ھەرێمی یا بەسرایێ دە ژ ئالیێ وەزارەتا تەندورستیێ یا ئیراقێ ڤە ھاتیە شاندن.

ڤێ دەربارێ دە رێڤەبەرێ بەشا دەرمانان و سازیا تەندرورستی یا بەسرایێ سارا حوسێنی، ژ مەدیایێ رە گۆت بارێ کو ھاتیە شاندن ژ دەرمانێن پێویست ژ بۆ ڤەژاندنا پزیشکی و پێدڤیێن لەزگین یێن کو ژ بۆ رەوشێن لەز تێنە بکار ئانین پێک تێ، کو پشتی ھەڤاھەنگیا راستەراست ب رایەدارێن بلند رە ھاتیە ئامادەکرن.

ھەروەھا گۆت، ئەڤ دەستپێشخەری ئەرکەک مرۆڤی و ئەخلاقییە و تیمێن لۆجستیک و دەرمانخانەیێ چەند دەمژمێران خەبتین دا کو ئالاڤێن پێویست ل گۆری پیڤانێن پێ باوەر ئامادە بکن و د وەختێ راست دە رادەست بکن.

ناڤبۆری تەکەز کر کو ئەڤ گاڤ دەلیلا ھەڤگرتنا گەلێ ئیراقێ ژ بۆ گەلێ دۆستێ ئیرانێ د دەمێن کریزێ دەیە و ھەر وەھا روحێ ھەڤکاریا تەندورستیێ یا ھەرێمییە کو وەزارەتا تەندورستیێ یا ئیراقێ دخوازە وی روحی خورت بکە.