ئامەریکایێ ب بۆمبەبارانێن ڤەشارتی یێن B-2 ل سازیێن ئەتۆمی یێن ئیرانێ یێن وەک فۆردۆ، نەتەنز و ئیسفاھانێ خست. دوھ ھاتە راگھاندن کو بالافر بەر ب بارەگەھەکا ستراتەژیک یا ل پاسیفیکێ ڤە دفرن. بۆمبەبارانا B-2 تاکانە بالافرە کو چەکەک ھلدگرە کو دکارە سازییا ئەتۆمی یا فۆردۆ یا بن ئەرد یا ئیرانێ ھلوەشینە.
ئیرۆ 22/6/2025ێ ئامەریکا د رۆژا 10ێ یا شەرێ کو ب ئێریشا ئیسرایلێ یا ل سەر تەھرانێ و بەرسڤدایینا ئیرانێ دەست پێ کر دە، ل ئیرانێ خست.
ئامەریکا د ئێریشا ل سەر سازییێن ئەتۆمی یێن ئیرانێ یێن ل فۆردۆ، نەتەنز و ئیسفەھانێ دە بۆمبەبارانێن ڤەشارتی یێن B-2، کو وەکی “کوژەرێن بن ئەردان” تێنە زانین، ب کار ئانین.
وەشانا گشتی یا ئیسرایلێ دوھ راگھاند کو بالەفرێن بۆمبەبارانێن ڤەشارتی یێن B-2 یێن ئامەریکی ژ بارەگەھا ھێزا ھەوایی یا واتەمان ل مسۆور بەر ب بارەگەھەکا ستراتەژیک یا ل گوام ل پاسیفیکا رۆژئاڤا ڤە رابوون.
بالەفرا بۆمبەبارانا B-2 تاکانە بالافرە کو چەکا ھلدگرە کو دکارە سازییا ئەتۆمی یا فۆردۆ یا بن ئەرد یا ئیرانێ ھلوەشینە. B-2 ژی وەکی “کوژەرێن بن ئەردان” تێنە زانین.
ل گۆری ئاگاھیان، ب بالەفرا بۆمبەبارانکەر رە چار بالافرێن داگرتنا سۆتەمەنیێ یێن بۆیینگ کەی جی-46 پیگاسوس هەبوون. ل گۆری ئاگاھیان، دو ژ وان ل سەر ئۆقیانووسا پاسیفیک سۆتەمەنی بۆ B-2 داگرتن. دویێن دن ب قاسی 75 کیلۆمەترەیان ل پشت وانن.
د راپۆرێ دە ھات دیارکرن کو دو بالافرێن داگرتنا سۆتەمەنیێ یێن دن ژ باکورێ سان فرانسیسکۆیێ رابوون و بەر ب باکور ڤە دچن. تێ گۆتن کو خالێن داگرتنا سۆتەمەنیێ یێن دن ل ھاوای نە.
کاربدەستەکی پەنتاگۆنێ کو لگەل واڵ سترێت جۆرنال ئاخڤی، تەڤگەرا ھەوایی یا د دەربارێ رابوونا شەش بالەفرێن بۆمبەبارانکەرێن ڤەشارتی یێن B-2 ژ بارەگەھا ھێزا ھەوایی یا واتەمان ل مسۆر دە پشتراست کر.
لێبەلێ، رایەدارێ پەنتاگۆنێ دیار کر کو ت فەرمان نەھاتیە دایین “ژ بۆ ئامادەکاریا ئێریشەکە B-2”
ھەمان رایەداری دیار کر کو فرین دکارن “ئالیکاریا زەختێ ل سەر ئیرانێ بکن” د چارچۆڤەیا ھەولدانێن چارەسەرکرنا ناکۆکیا لگەل تەھرانێ ب ئاوایەکی دیپلۆماتیک.
ژ ئالیێ خوە ڤە، پەنتاگۆنێ ژ قەسرا سپی خوەست کو ئاگاھداریا بەرفرەھ ل سەر B-2 بدە.
یەک ژ پلاتفۆرمێن چەکان یێن ھەری پێشکەتی یا ل ئامەریکایێ یە
بالەفرا بۆمبەبارانا B-2 یا ھێزا ھەوایی یا ئامەریکایێ یەک ژ پلاتفۆرمێن چەکێن ستراتەژیکێن ھەری پێشکەتی یێن ئامەریکایێ تەمسیل دکە، کو دکارە د ناڤ پاراستنا ھەوایی یا سۆفیستیک دە دەرباس ببە و ل سەر ھەدەفێن ھشک یێن وەکی تۆرا تەسیسێن لێکۆلینێ یێن ئەتۆمی یێن ڤەشارتی یێن ئیرانێ ئێریشێن راست بکە.
وەزیرێ پاراستنێ پێتی ھێگسز رۆژا چارشەمبێ گۆت کو ئارتێشا ئامەریکایێ ئامادەیە کو ھەر بریارا کو سەرۆک دۆنالد ترامپ د دەربارێ ئیرانێ دە ددە بجیھ بینە و گۆت کو دڤێت تەھران گوھ بدە بانگێن سەرۆکێن رۆژا ئینێ دا کو بەری دەستپێکرنا ئێریشێن ئیسرایلێ ل سەر بەرنامەیا خوە یا ئەتۆمی لھەڤکرنەک چێبکە.
