رویتەرس: ئیرانێ بەری ئێریشا ئامەریکایێ یورانیووما خوە ڤەگوھاستیە

چاڤکانیەکا ئیرانی ژ بۆی ئاژانسا رویتەرسێ ئەشکەرا کر، “بەری ئێریشا ئامەریکایێ ل سەر دەزگەھێن ئەتۆمی، مە پرانیا یورانیووما پیتاندی ژ دەزگەھا فۆردۆیێ بۆ جھەکی ڤەشارتی ڤەگوھەستبوو.”

شرۆڤەکەر دبێژن، “ئێریشا ل سەر دەزگەھا فۆردۆیێ نیشانا شیانێن ھەوالگری و تەکنۆلۆژییا پێشکەتییە، ژ بەر کو ئیرانییان خەتا خوە یا بەرگریێ ژ بەر ئیحتیمالا ئێریشەکا ل سەر دەزگەھێن دن یێن ئەتۆمی خورت کریە.”

دو بەرپرسێن پایەبلندێن پەنتاگۆنێ ژ کانالا CBS نیوزێ رە راگھاندیە کو، سێ بالافرێن B-2 یێن ئامەریکایی ئێریشی دەزگەھا ئەتۆمی یا فۆردۆیێ کریە، کو د بن چیایەکی ڤە ب کووراھیا نێزیکی 300 پێیان ئانکو 90 مەتران ھاتبوو چێکرن.