وەزیرێ بەرگریێ یێ ئامەریکایێ پیت هێگسیس و سەرۆکەرکانێ هەڤپارێ ئارتێشا ویلایەتێن یەکگرتی یێن ئامەریکایێ گەنەرال دان کەین ئیرۆ (یەکشەم، 22ێ هەزیرانا 2025ێ) د دەرهەقا ئێریشا ل سەر سێ بنگەهێن ئه‌تۆمی یێن ئیرانێ (فۆردۆ، ئەسفەهان و نەتەنز) دە کۆنفەرانسەکە رۆژنامەڤانی یا هەڤپار ل دار خست.
وەزیرێ بەرگریێ یێ ئامەریکایێ پیت هێگسیس راگهاند، “ئێریشێن مەیێن ل سەر دەزگەهێن ئه‌تۆمی یێن ئیرانێ پر سەرکەفتی بوون و مە بەرنامەیا ئه‌تۆمی یا ئیرانێ ب تەڤاهی ژ هۆلێ راکر”.
هەروەسا گۆت، “مە گەلێ ئیرانێ و هێزێن وی وەلاتی بۆمبەباران نەکرنە، مە تەنێ سێ بنگەهێن ئه‌تۆمی بۆمبەباران کرنە، کو ئەو ژی نەتەنز، فۆردۆ و ئەسفەهان بوون”.
پیت هێگسیس ئاماژە ژی دا، “بریارا ئێریشا ل سەر بنگەهێن ئه‌تۆمی یێن ئیرانێ وێرەک و بێهەمپا بوو و چەند مەهان ئامادەکاری ژێ رە هاتنە کرن. ئەڤ یەک هەروەسا نیشانا هێزا ئارتێشا ئامەریکایێ یە”.
