تەڤگەرا شۆرەشگەرێن ئاراراتێ د دەربارێ رەوشا ئیران و رۆژھلاتێ کوردستانێ دە داخویانیەک ژ بۆ رایا گشتی پارڤە کر و تێ دە راگهاند، مینا شۆرەشا سووریەیێ یا 2011ێ، دەما کو رەژیما بەشار ئەسەد گەلەک باژار و گوندێن رۆژئاڤا رادەستی پەکەکێ کرین دا کو ھەرێمێ بپارێزە، ب هەمان ئاوا ئیران ژی دخوازە باژار و گوندێن رۆژهەلاتێ کوردستانێ رادەستی پەژاکێ بکە ژ بۆی کو پارتیێن راستینێن رۆژھلات ئێدی ل ھەرێمێ سەردەست نەبن.

تەڤگەرا شۆرەشگەرێن کوردستانێ د بەشەکە داخویانیا خوە دە گەف ل پەکەکێ خوارن و راگهاند، ” ئەگەر مافیایێن پەکەکێ دەستوەردانێ د کارووبارێن ناڤخوەیی یێن رۆژھلاتا کوردستانێ دە بکن، ژ بۆ پاراستنا وەلاتێ خوە ئەمێ ب ھەموو ھێزا خوە ل دژی وان راوەستن.”

داخویانیا تەڤگەرا شۆرەشگەرێن ئاراراتێ ب ڤی ئاوایە:

ژ بۆ رایا گشتی

ئەم رایا گشتی ئاگادار دکن کو لگەل شەرێ ئیران و ئیسرایلێ، رەژیما ئیرانێ پر لاواز و بێچارە بوویە.

مینا شۆرەشا سووریەیێ یا 2011ێ، دەما کو رەژیما بەشار ئەسەد گەلەک باژار و گوندێن رۆژئاڤا رادەستی پەکەکێ کرین دا کو ھەرێمێ بپارێزە.

ل گۆری ئاگاھیێن ھاتنە بدەستخستن، رەژیما ئیرانێ و پەکەکە ب ئاوایەکی ڤەشارتی پلانەکە خەراب ب ھەڤ را دمەشینن.

رەژیما ئیرانێ دخوازە باژار و گوندێن رۆژھلاتێ کوردستانێ رادەستی پژاکێ شاخەیا پەکەکێ یا رۆژهلاتێ کوردستانێ بکە.

ھەتا کو پارتیێن راستین یێن رۆژھلات ئێدی ل ھەرێمێ سەردەست نەبن.

ئەم رایا گشتی، ب تایبەتی ھەموو خەلکێ رۆژھلاتێ کوردستانێ ئاگاھدار دکن کو رۆژھلات ژ رۆژئاڤا پر جودایە.

ئەم خوەدی دیرۆکەکا 80 سالی یا تێکۆشینێ نە.

مە دەرسێن تێکۆشینێ ژ رێبەرێن مەزن یێن وەکی قازی محەمەد ، در. قاسملوو، در. شەرەفکەندی، کاک فوئاد سوولتانی، و سمکۆی شکاک فێر بوونە.

مە ئالا پیرۆز و ھێزا پێشمەرگەیێن قارەمان و وێرەک ھەیە.

ئەگەر مافیایێن پەکەکێ دەستوەردانێ د کارووبارێن ناڤخوەیی یێن رۆژھلاتا کوردستانێ دە بکن، ژ بۆ پاراستنا وەلاتێ خوە ئەمێ ب ھەموو ھێزا خوە ل دژی وان راوەستن.

ژ بەر کو شەر و پەڤچوونا لگەل وان نە براکوژییە، لێ بەلێ جەحش کوشتنە.

تەڤگەرا شۆرەشگەرێن ئاراراتێ

رۆژا 20ێ خزیرانا 2025ێ