سەرۆکۆمارێ ترکیەیێ رەجەپ تایییپ ئەردۆگان راگهاند کو هەفتەیا بێ ئەو دێ ب شاندەیەکە دەم پارتیێ رە بجڤە و دیار کر کو ئەو د مژارا پێڤاژۆیا «ترکیەیا بێتەرۆر» دە ب هێڤینە.
ئەردۆگان د ڤەگەرا ژ لووتکەیا ناتۆیێ یا ل لاهەیێ ژ رۆژنامەڤانان رە ئاخڤی و ل سەر پرسێن رۆژەڤێ بەرسڤ دا پرسێن رۆژنامەگەران.
سەرۆککۆمارێ ترکیەیێ دەربارێ پێڤاژۆیا دە ئانی زمان کو پێڤاژۆ ب بریارداری و سەبر ددۆمە و گۆت: «هەفتەیا بێ، ئەگەر قسمەت بە، ئەز دێ ب شاندەیەکە دەم پارتیێ رە بجڤم. هن مژارێن گرێدایی ‘ترکیەیا بێتەرۆر هەنە کو دڤێ ئەم ل سەر باخڤن. گۆتنێن هێڤیدارێن سەرۆکێ گشتییێ مه‌هه‌پێ برێز دەڤلەت باهچەلی و هەلوەستا بەرپرسانە یا شاندەیا دەم پارتیێ ژ بۆ سەرکەفتنا پێڤاژۆیێ گەلەکی گرینگن».
ئەردۆگان دەستنیشان کر کو دڤێ ئەڤ مژار نەبە بەشەک ژ پۆلەمیکێن سیاسەتا رۆژانە و گۆت: «د مژارەکە وها دە دڤێ هەستیاریا نەتەوەیی دەرکەڤە پێش. کەسێ کو د مژارەکە وها دە بەرپرسیاریێ هلدە سەر ملێن خوە، دێ د بیرگەها نەتەوەیی دە هەر تم ب خێرێ بێ ببیرانین.
ئەم دێ هەڤالەکی خوە ژ بۆ کۆمیسیۆنا کو دێ ل پارلامەنتۆیێ وەرە دامەزراندن ئەرکدار بکن و ب ئیزنا خوەدێ ئەم دێ ڤێ پێڤاژۆیێ ب سەرکەفتی بدۆمینن».
