فرۆکخانەیا ئادنان مەندەرەس یا ئیزمیرێ، ژ بەر شەواتەکا دارستانێ یا کو ل نێزیکی وێ بەلاڤ دبە، ب ئاوایەکی دەمکی ژ بۆ گەشتان ھات گرتن. ژ بەر گرتنا فرۆکخانەیێ، گەلەک گەشت ھاتن بەتالکرن یان ژی بەر ب فرۆکخانەیێن دن ڤە ھاتن ئاراستەکرن.
ل گۆری ئاگاھیان، شەوات رۆژا یەکشەمبێ 29/6/2025ێ، ل ناڤچەیا گازەمر یا ئیزمیرێ دەرکەت و ژ بەر باندۆرا بایێ بھێز، د دەمەکێ کورت دە ل ھەرێمەکا بەرفرەھ بەلاڤ بوو.
دوومانا ستوورا ژ بەر شەواتێ، ل فرۆکخانەیا ئادنان مەندەرەس دووراھیا دیتنێ کێم کر و ئەڤ یەک بوو سەدەما مەترسیێ ژ بۆ گەشتێن ئاسمانی. ژ بەر ڤێ یەکێ، رێڤەبەریێ بریار دا کو فرۆکخانەیێ ب ئاوایەکی دەمکی بگرە.
ھات راگھاندن کو گەشتێن دوئالی یێن د ناڤبەرا دیاربەکر و ئیزمیرێ دە ھاتنە بەتالکرن و ھندەک گەشتێن دن ژی بەر ب فرۆکخانەیێن نێزیک ڤە ھاتنە ئاراستەکرن.
